الماتىدا قالا اكىمى دارحان ساتىبالدىنىڭ قاتاردىڭ Power International Holding كومپانياسىنىڭ وكىلدەرىمەن جۇمىس كەزدەسۋى ءوتتى. تاراپتار دەمالىس، ويىن-ساۋىق، بولشەك ساۋدا جانە سيفرلىق تەحنولوگيا سالاسىنداعى بىرلەسكەن ينۆەستيسيالاردىڭ بولاشاعىن تالقىلادى.
Power International Holding كومپانياسىنىڭ كاتاردا، مالديۆ ارالدارىندا جانە وزگە دە ەلدەردە كەشەندى جوبالاردى جۇزەگە اسىرۋدا حالىقارالىق تاجىريبەسى مول.
اكىم الماتى قالاسى ۇلتتىق ەكونوميكانىڭ تورتتەن ءبىر بولىگىن قامتاماسىز ەتەتىنىن جانە حالىقارالىق باستامالارعا اشىق ەكەنىن اتاپ ءوتتى. دارحان ساتىبالدى قازاقستان مەن قاتار اراسىنداعى جوعارى دەڭگەيدەگى ارىپتەستىكتى اتاپ ءوتىپ، الماتىدا اۋقىمدى ينۆەستيسيالىق جوبالاردى جۇزەگە اسىرۋعا دايىن ەكەنىن جەتكىزدى.
PIH وكىلدەرى ناقتى باعىتتارعا قىزىعۋشىلىق ءبىلدىرىپ، الماتىنىڭ وڭىرلىك دامۋ ورتالىعى رەتىندەگى تارتىمدىلىعىن، قالانىڭ الەۋەتى مەن قولايلى ينۆەستيسيالىق كليماتىن ەرەكشە اتادى.