مەدەۋ اۋدانىنىڭ اكىمى تۇرعىندارمەن كەزدەستى

مەدەۋ اۋدانىنىڭ اكىمى ەركەبۇلان ورازالين تۇرعىنداردىڭ بىرنەشە مەكەنجايىنا باردى، دەپ حابارلايدى Almaty-akshamy.kz. 

ارالاۋ بارىسىندا وبسەرۆاتوريا كوشەسىندە تۇراتىن تۇرعىنداردىڭ جاعدايى زەرتتەلدى. ساۋلەت جانە قالا قۇرىلىسى باسقارماسىنىڭ وكىلدەرىمەن، پوليسيا باسقارماسىنىڭ قىزمەتكەرلەرىمەن بىرگە الماتى قالاسىنىڭ ەگجەي-تەگجەيلى جوسپارلاۋ جوباسىن وزگەرتۋ جانە جەكە مەنشىك ءۇي قۇرىلىستارىن سالۋعا سجت بەرۋ ماسەلەلەرى تالقىلاندى. 
⠀
سونداي-اق، اۋدان اكىمى پۋشكين-قۇرمانعازى مەكەن-جايىندا تۇراتىن تۇرعىندارمەن كەزدەستى. كەزدەسۋگە وسى اۋداندا بيزنەسى بار كاسىپكەرلەر دە قاتىستى. ولارمەن تازالىق پەن قوعامدىق ءتارتىپتى ساقتاۋ بويىنشا تۇسىندىرمە اڭگىمە جۇرگىزىلدى. بۇعان دەيىن تۇرعىندار كاسىپكەرلەردىڭ ءوز اۋلالارىندا قالدىرعان قوقىستارىنا شاعىمداندى. بيزنەسمەندەرگە قوقىس كونتەينەرلەرىن ورناتۋ تاپسىرماسى بەرىلدى. ولار پاتەر يەلەرىمەن قوقىس كونتەينەرلەرىن ورناتۋ ورنى تۋرالى الدىن الا كەلىسۋى ءتيىس.

«راكسا» دۇكەنىنىڭ جۇمىسىنا قاتىستى تۇرعىنداردان كوپتەگەن شاعىمدار كەلىپ ءتۇستى، اتاپ ايتقاندا اۋلانىڭ اۋماعىندا سالىنعان گاراجدارعا شاعىمداندى. عيماراتتار زاڭسىز ەكەنى بەلگىلى بولدى. دۇكەن وكىلدەرىمەن وسى زاڭسىز قۇرىلىستاردى بۇزۋ تۋرالى اڭگىمە جۇرگىزىلدى. بۇل جۇمىستار مەدەۋ اۋدانى اكىمدىگىنىڭ اباتتاندىرۋ بولىمىمەن بىرلەسىپ جۇرگىزىلەدى»،-دەلىنگەن حابارلامادا.