ماۋسىم باستالعالى ءموبيلدى جۇمىس توبى 513 رەت رەيدكە شىققان
بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا جەتىسۋ وبلىسى توتەنشە جاعدايلار دەپارتامەنتى مەملەكەتتىك ءورت باقىلاۋ باسقارماسىنىڭ باستىعى ازاماتتىق قورعاۋ پودپولكوۆنيگى داۋرەن ازاماتوۆ ايتتى، دەپ حابارلايدى Almaty-akshamy.kz.
ءورت تىركەلمەسە دە، ەلدى مەكەندەردەن تىس 65 گا جەردە قۇرعاق ءشوپ ورتەنگەن. 40 جاعداي تجد كۇشىمەن سوندىرىلگەن. سونىمەن قاتار، شىلدەدە الاكول اۋدانى، اقجار قوڭىر اۋىلدارىنىڭ اراسىندا ورنالاسقان «جازىلبەكوۆ ي ك» شق اۋماعىندا 5 گا اۋداندا ارپا القابى جانە 20 گا اۋداندا قۋراعان ءشوپ ورتەنگەن.
جالپى، ماۋسىم باستالعالى ءموبيلدى جۇمىس توبى 513 رەت رەيدكە شىعىپ، تۇسىندىرمە جۇمىسىن جۇرگىزگەن. سونىمەن قاتار جەتىسۋ وبلىسىنىڭ وبلىس اۋماعىندا 135 ادام قوعامدىق بىرلەستىكتەردە، اۋداندىق قۇرىلىمداردا ورتكە قارسى قىزمەت ەتىپ كەلدى.
«حالىققا ءورت قاۋىپسىزدىگىنىڭ ەرەجەلەرىن جەتكىزۋ تىكەلەي بايلانىس ارقىلى دا جۇزەگە اسىرىلادى. اۋىل شارۋاشىلىعى وندىرۋشىلەرىمەن 5987 ازاماتتى قامتي وتىرىپ،312 جيىن ۇيىمداستىرىلدى، 9333 ازاماتتىڭ قاتىسۋىمەن 459 نۇسقاما وتكىزىلدى، 767 ازاماتتىڭ قاتىسۋىمەن 58 دوڭگەلەك ۇستەل وتكىزىلدى. دەپارتامەنتپەن كۇندەلىكتى رەيدتىك ىس-شارالارمەن قاتار دەمالىس جانە مەرەكە كۇندەرى جەرگىلىكتى اتقارۋشى ورگانداردى، ورمان شارۋاشىلىعى مەكەمەلەرىنىڭ قىزمەتكەرلەرىن، ۆولونتەرلىك ۇيىمداردى تارتا وتىرىپ، حالىقتىڭ دەمالىس ورىندارىندا كەڭ اۋقىمدى اكسيالار ۇيىمداستىرىلماق»، - دەدى پودپولكوۆنيك داۋرەن ازاماتوۆ.
بريفينگتە سۋعا شومىلۋ ماۋسىمىنداعى قاۋىپسىزدىك جايلى دا ايتىلدى. ماۋسىم باستالعالى قىزمەتكەرلەردىڭ ۇيىمداستىرۋمەن 23900 پاترۋلدەۋ مەن رەيد ۇيىمداستىرعان. بارىسىندا 23062 دانا ۇگىت-ناسيحات پاراقاشالارى تاراتىلعان. تۇسىندىرمە جۇمىستارىنا قاراماستان، سۋ ايدىندارىندا ادامداردىڭ قازا بولۋ فاكتىلەرى ورىن الىپ جاتىر. جىل باسىنان وڭىردە 2 ادام قازا تاپقان.