الماتى قالاسىنان شىققان دەپۋتاتتار دا مەگوپوليس تۇرعىندارىن قالا كۇنىمەن قۇتتىقتاپ، جىلى لەبىزدەرىن ءبىلدىرىپ جاتىر، دەپ حابارلايدى Almaty-akshamy.kz Almaty.tv-گە سىلتەمە جاساپ.
تاۋەلسىزدىكتىڭ التىن بەسىگى الماتىدا تالاي جىل قىزمەت ەتىپ، ءتۇرلى جىلدارى قالانىڭ جاستار ساياساتىندا باسشىلىق ەتكەن ەلنۇر بەيسەنبايەۆ 2019 جىلى استاناعا اۋىسقان ەدى. ءقازىر مۇقىم ەلدىڭ مۇڭ-مۇقتاجىن مىنبەردە كوتەرىپ جۇرگەن حالىق قالاۋلىسى، اسەم قالا الماتىنى ۇمىتپايتىنىن ايتادى. شاھار جۇرتىن مەرەكەمەن قۇتتىقتاعان ول ىستىق ىقىلاسىن ءبىلدىرىپ، تىلەكشى ەكەنىن جەتكىزدى.
«تاۋەلسىزدىگىمىزدىڭ تال بەسىگى، التىن بەسىگى الماتى قالاسىندا تالاي ساياسي وزگەرىستەر ورىن العان. ول جەلتوقسان وقيعاسىنان باستاپ الاتىن بولساق، شىنايى تۇردە 30 جىلدىق مىنا ساياسي ارەناداعى ازاماتتىق پوزيسيالارىن نىق ايتا بىلەتىن، كەز كەلگەن وزگەرىستەرگە اششى دا بولسا داۋسىن جەتكىزە بىلەتىن، سونىمەن قاتار ءار ءتۇرلى ەكسپەرتتىك ورتادا ساپالى وي ايتا بىلەتىن وسىنداي بەلسەندى الماتىلىقتاردى بۇگىنگى شىنايى الماتى كۇنىمەن قۇتتىقتايمىن. الماتى – ول تاۋەلسىز قازاقستاننىڭ شىنايى بەت كەلبەتى دەپ ەسەپتەيمىن»، - دەدى ق ر پارلامەنتى ءماجىلىسىنىڭ دەپۋتاتى ەلنۇر بەيسەنبايەۆ
ارۋ الماتىنى جەتىنشى شاقىرىلىمنىڭ دەپۋتاتى ايدوس سارىم دا قۇتتىقتادى. ماجىلىسمەن تاۋەلسىز قازاقستاننىڭ تالاي ماڭىزدى قۇجاتىنا قول قويىلىپ، ءتۇرلى سالماقتى شەشىمدەر قابىلدانعان قالا، ەل جۇرەگى بولىپ ماڭگى قالادى دەيدى. ونىڭ ويىنشا، كوپتەگەن جاستى مىقتى مامان ەتىپ دايىندايتىن مەگاپوليس بۇدان دا دامۋ كەرەك.
«الماتىمىزدى ايالايىق. الماتىمىزدى ساقتايىق. الماتى – ەلىمىزدىڭ جۇرەگى. الماتى – ەلىمىزدىڭ شىن مانىندەگى اقىل، ويى توپتاسقان جينالعان جەرى. سوندىقتان مىنا تاريحتان ساباق العان ەل بولساق، بىزدەر الماتىلىقتاردىڭ جاڭا ۇسقىنىن جاساپ، الماتىنىڭ قايتادان الداعى ۋاقىتتا دا ءوزىنىڭ كوشباسشىلىق پوزيسياسىن ساقتاۋعا باستايتىن وزگەرىستەرگە جول اشايىق دەر ەدىم»، – دەدى ق ر پارلامەنتى ءماجىلىسىنىڭ دەپۋتاتى ايدوس سارىم.