قالا كۇنىمەن قاتار بۇگىن ەلىمىزدە انالاردىڭ مەرەكەسى دە تويلانىپ جاتىر. 10 جىلدان بەرى قىركۇيەكتىڭ ءار ءۇشىنشى جەكسەنبىسىندە بۇل كۇندى اتاپ ءوتۋ داستۇرگە اينالعان، دەپ حابارلايدى Almaty-akshamy.kz Almaty.tv-گە سىلتەمە جاساپ.
سوعان وراي، «قازاق انالارى – داستۇرگە جول» بىرلەستىگى قازاقتىڭ بۇلب ۇلى روزا باعلانوۆانىڭ ەسكەرتكىشىنە گۇل شوعىن قويدى. الەمنىڭ جارىعىن سىيلاعان انالار سىي-قۇرمەتكە لايىق دەپ مەيراممەن قۇتتىقتاپ، ءان شىرقاپ بەردى. ايتا كەتەيىك، بىلتىر عانا قۇرىلعان بىرلەستىكتە ءقازىر 9 مىڭعا جۋىق انا بار. ونىڭ ەڭ ۇلكەنى - 90 جاستا. ۇيىم جاس وتباسىلاردى تابىستىرۋ، ارازدى تاتۋلاستىرۋ، سونداي-اق ۇمىت بولعان ءداستۇردى جانداندىرۋمەن اينالىسادى.
«ءبىر قازاق ءبىر قازاقتى ءتۇيىپ وتەدى. ەندى ءداستۇر كەلمەي ادام ءوز بولمىسىنان ايىرىلعاندا ۇلت جويىلادى. قازاققا، ۇلتقا كەرەك نارسە - ءدىنى، ءدىلى، ءتىلى مەن ءداستۇرى. وسى ءۇش نارسەدەن ادا بولعان حالىقتى ونى ەندى قالاي دەپ اتاۋعا بولادى»، – دەدى «قازاق انالارى – داستۇرگە جول» رەسپۋبليكالىق قوعامدىق بىرلەستىگىنىڭ ءتورايىمى اينۇر جۇگىنىسوۆا.
«قازاق انالارى – داستۇرگە جول» رەسپۋبليكالىق قوعامدىق بىرلەستىكتىڭ ماقساتى – ءسالت-داستۇر، ادەت-عۇرىپ، انا ءتىلىمىزدى قاستەرلەۋ، ۇلتتىق كيىمدەرىمىزدى جانە اق كيمەشەگىمىزدى ناسيحاتتاپ، قازىرگى مىناۋ ءبىزدىڭ ۇرپاعىمىزدى تاربيەلەپ جاتقان. جاس كەلىندەر، اپا-جەڭگەلەر، قىز-كەلىنشەكتەردى جاقسى جولعا ناسيحاتتاۋ، تاربيەلەۋ»، – دەدى كوپبالالى انا لايلە داۋلەت.