9 قاڭتاردا قازاقستاننىڭ بىرنەشە وڭىرىندە اۋا رايى كۇرت قۇبىلىپ، "قازگيدرومەت" تۇمان، كوكتايعاق، جاياۋ بۇرقاسىن جانە قاتتى جەلگە بايلانىستى داۋىلدى ەسكەرتۋ جاريالادى، دەپ حابارلايدى اqshamnews.kz ءتىلشىسى.
اتىراۋ وبلىسىندا تۇمان ءتۇسىپ، جول كوكتايعاقتانۋى مۇمكىن. اسىرەسە باتىسى مەن وڭتۇستىگىندە جەل كۇشەيىپ، ەكپىنى 15–20 م/س-قا دەيىن جەتەدى. اتىراۋ قالاسىندا تۇنگى جانە تاڭعى ۋاقىتتا جولدىڭ تايعاق بولۋى ىقتيمال.
پاۆلودار وبلىسىنىڭ سولتۇستىگى مەن شىعىسىندا، سونداي-اق قاراعاندى جانە ۇلىتاۋ وبلىستارىنىڭ ءبىرقاتار اۋماعىندا تۇمان ءتۇسىپ، كورىنۋ قاشىقتىعى تومەندەيدى. جەزقازعان مەن قاراعاندىدا دا وسىنداي احۋال ساقتالادى.
تۇركىستان وبلىسىنىڭ باتىسى، سولتۇستىگى، وڭتۇستىگى جانە تاۋلى وڭىرلەرىندە تۇمان كۇتىلەدى. شىمكەنت پەن تۇركىستان قالالارىندا دا كەي ۋاقىتتاردا كورىنۋ قيىندايدى.
الماتى جانە جەتىسۋ وبلىستارىنىڭ تاۋلى اۋداندارىندا، سونداي-اق الاكول ماڭىندا جەل كۇشەيىپ، ەكپىنى 15–20 م/س-قا دەيىن جەتۋى مۇمكىن.
باتىس قازاقستان وبلىسىندا كوكتايعاق پەن قويۋ تۇمان بولجانادى. ورال قالاسىندا تۇندە جانە تاڭەرتەڭ اسا ساق بولعان ءجون.
اقمولا، قوستاناي، اقتوبە، اباي جانە قىزىلوردا وبلىستارىنىڭ كەي بولىكتەرىندە تۇمان كۇتىلەدى. كەي وڭىرلەردە جەل ەكپىنى 15–20 م/س-قا دەيىن كۇشەيۋى ىقتيمال.
سولتۇستىك قازاقستان وبلىسىنىڭ سولتۇستىگىندە ازداعان قار جاۋىپ، جاياۋ بۇرقاسىن سوعادى. پەتروپاۆلدا تۇنگى ۋاقىتتا قار مەن جەل قوزعالىستى قيىنداتۋى مۇمكىن.
ماڭعىستاۋ وبلىسىندا دا كوكتايعاق پەن تۇمان قاتار كۇتىلەدى. اقتاۋدا جانە وبلىستىڭ جەكەلەگەن اۋماقتارىندا كۇندىز جەل ەكپىنى 20 م/س-قا دەيىن جەتۋى ىقتيمال.
سينوپتيكتەر جۇرگىزۋشىلەر مەن جاياۋ جۇرگىنشىلەردى ساقتىق شارالارىن كۇشەيتۋگە، ال الىس جولعا شىعاتىن ازاماتتاردى الدىن الا قاۋىپسىزدىك جوسپارىن قاراستىرۋعا شاقىردى.