"Almaty aqshamy" گازەتىنىڭ باسشىلىعى اۋىستى
قالانىڭ باس باسىلىمدارىنىڭ ءبىرى جاڭا تاجىريبەلى كومانداعا سەنىپ تاپسىرىلدى. بۇل تۋرالى "Alatau Aqparat" مەديا حولدينگىنىڭ ديرەكتورى ەرجان قالىمباي ۇلى رەسمي حابارلادى
گازەتتىڭ باس رەداكتورى قىزمەتىنە جۋرناليست ەستاي بوجان تاعايىندالدى. ول مەديا سالاسىندا وزىندىك قولتاڭباسى بار، قالامى جۇيرىك مامان رەتىندە بەلگىلى.
سونىمەن قاتار رەداكسيا قۇرامىندا باسقا دا ءاۋىس-تۇيىس بولدى. باس رەداكتوردىڭ ورىنباسارى بولىپ سەرىك جۇمابايەۆ، جاۋاپتى حاتشى رەتىندە قۇرالاي يمانبەك قىزى تاعايىندالدى.
ەرجان قالىمباي ۇلىنىڭ ايتۋىنشا، بۇل ءۇش مامان دا "اقشامنىڭ" ءوز قازانىندا قايناپ، تاجىريبە جيناعان ماماندار. ولاردىڭ كاسىبي بىلىكتىلىگى باسىلىمنىڭ ءداستۇرلى قۇندىلىقتارىن ساقتاپ، ونى زاماناۋي فورماتقا بەيىمدەۋگە مۇمكىندىك بەرەدى.
"Almaty aqshamy" - قازاق جۋرناليستيكاسىندا ورنى بولەك، تاريحي باسىلىم. بۇرىن گازەتتى ەرعالي ساعات پەن قالي سارسەنباي سياقتى مارعاسقالار باسقارعان. كەيىنگى جىلدارى تىزگىندى ۇستاپ كەلگەن تورەحان دانياروۆ قۇرمەتتى ەڭبەك دەمالىسىنا شىقتى. ارىپتەستەرى وعان گازەتتىڭ دامۋىنا قوسقان ۇلەسى ءۇشىن العىس ايتىپ، جاڭا ءومىر كەزەڭىندە ساتتىلىك تىلەدى.
جاڭارعان كوماندا گازەتتى جاڭا دەڭگەيگە كوتەرىپ، مەگاپوليستىڭ تىنىس-تىرشىلىگىنە ساي مازمۇن ۇسىنۋدى ماقسات ەتىپ وتىر. "Almaty aqshamy" وقىرمانداردىڭ سۇرانىسىنا جاۋاپ بەرە وتىرىپ، ءداستۇرلى قۇندىلىقتارىن ساقتاپ، زامان تالابىنا ساي جاڭاشا فورماتتا جۇمىسىن جالعاستىرادى دەگەن سەنىم بار.
