8 قاڭتاردا پەتروپاۆل – استانا تاس جولىندا اۋىر جول-كولىك وقيعاسى تىركەلدى، دەپ حابارلايدى اqshamnews.kz ءتىلشىسى.
پوليسيانىڭ مالىمەتىنشە، Toyota Camry جەڭىل كولىگى مەن Shacman ماركالى جۇك كولىگى سوقتىعىسقان. اپات سالدارىنان Toyota كولىگىندەگى ءتورت ادام – جۇرگىزۋشى جانە ءۇش جولاۋشى وقيعا ورنىندا قازا بولدى.
سولتۇستىك قازاقستان وبلىسى پوليسيا دەپارتامەنتى وقيعاعا بايلانىستى قىلمىستىق ءىس قوزعالىپ، سوتقا دەيىنگى تەرگەۋ باستالعانىن حابارلادى.
الدىن الا مالىمەت بويىنشا، Toyota كولىگىن 25 جاستاعى جىگىت باسقارعان جانە ول استاناعا باعىت العان. جولاۋشىلار اراسىندا 63 جاستاعى ايەل جانە 14 پەن 17 جاستاعى ەكى ءجاسوسپىرىم بولعان. مارقۇم ايەل نەمەرەلەرىنىڭ دۇنيەگە كەلگەنىن ەستىپ، ولاردى كورۋ ءۇشىن جولعا شىققانى ايتىلدى.
ءتارتىپ ساقشىلارى اپات بولعان ۋچاسكەدە قار مەن مۇزدىڭ بولماعانىن اتاپ ءوتتى. باستاپقى بولجامعا سايكەس، جەڭىل كولىك قارسى باعىتقا شىعىپ كەتىپ، سونىڭ سالدارىنان ەكى كولىك جولدان شىعىپ، سوقتىعىسقان.
ءقازىر وقيعانىڭ بارلىق ءمان-جايىن انىقتاۋ جۇمىستارى جۇرگىزىلىپ جاتىر.