قارجى ۆيسە-مينيسترى ەرجان ءبىرجانوۆ ۇكىمەت وتىرىسىندا 2024 جىلدىڭ 11 ايىنداعى قارجى جىلىنىڭ قورىتىندىسىن ۇسىندى، دەپ حابارلايدى aqshamnews.kz
مەملەكەتتىك بيۋدجەتتىڭ كىرىسى 19 ترلن تەڭگەنى قۇرادى، بۇل جوسپاردىڭ 90%-ىن قۇرايدى. رەسپۋبليكالىق قازىناعا 11،8 ترلن تەڭگە نەمەسە جوسپارلانعان قارجىنىڭ 82%-ى ءتۇستى. ۆيسە-مينيستردىڭ ايتۋىنشا، ورىندالماۋدىڭ نەگىزگى سەبەبى جوسپاردىڭ 76%-ىن قۇرايتىن سالىق تۇسىمدەرىنىڭ تومەندەۋىنە بايلانىستى.
«جوسپاردى ورىنداماۋدىڭ نەگىزگى سەبەپتەرى وتكەن جىلدىڭ سايكەس كەزەڭىمەن سالىستىرعاندا 10 اي ىشىندە ءۇشىنشى ەلدەردەن يمپورت كولەمىنىڭ 6،4%-عا نەمەسە $2،3 ملرد-قا ازايۋىنا؛ نەگىزگى ەكسپورتتىق مەتالدار باعاسىنىڭ تومەندەۋىنە بايلانىستى، بۇل ءوز كەزەگىندە 602 ءىرى سالىق تولەۋشىلەر بويىنشا اۆانستىق تولەمدەر سوماسىنىڭ 267 ملرد تەڭگەگە تومەندەۋىنە اسەر ەتتى. ققس قايتارۋدىڭ ۇلعايۋى 981 ملرد تەڭگەنى قۇرادى، وتكەن جىلدىڭ سايكەس كەزەڭىمەن سالىستىرعاندا 2،5 ەسە كوپ. سوعان قاراماستان سالىقتار بويىنشا ورىنداماۋ سالىقتىق ەمەس تولەمدەردىڭ 1 ترلن تەڭگەگە ۇلعايۋى ەسىبەنەن وتەلەدى»، — دەپ اتاپ ءوتتى ەرجان ءبىرجانوۆ.
جەرگىلىكتى بيۋدجەتتەرگە كەلەتىن بولساق، ولاردىڭ ءوز كىرىستەرى 108%-عا ورىندالدى جانە 7،2 ترلن تەڭگەنى قۇرادى. جوسپار 525 ملرد تەڭگەگە اسىرا ورىندالدى. وتكەن جىلدىڭ سايكەس كەزەڭىمەن سالىستىرعاندا كىرىستەر 26،5%-عا نەمەسە 1،5 ترلن تەڭگەگە ءوستى. بيۋدجەت شىعىستارى بويىنشا: مەملەكەتتىك بيۋدجەت جوسپارلانعاننان 94%-عا، رەسپۋبليكالىق – 96%-عا، جەرگىلىكتى – 92%-عا ورىندالدى. الەۋمەتتىك باعىت باسىم بولىپ قالادى.
مەملەكەت نەگىزگى الەۋمەتتىك مىندەتتەمەلەردى ورىندادى:
زەينەتاقى مەن جاردەماقى – 5،2 ترلن تەڭگە؛
وڭىرلەرگە سۋبۆەنسيالار – 4،8 ترلن تەڭگە؛
ممسق-نىڭڭ نىسانالى جارناسى – 1،6 ترلن تەڭگە.
جەرگىلىكتى بيۋدجەتتەردىڭ شىعىستارى 13 ترلن تەڭگەنى قۇرادى:
الەۋمەتتىك سالاعا – 6،6 ترلن تەڭگە (51%)؛
تكش-عا – 1،9 ترلن تەڭگە (14،6%)؛
كولىك جانە كوممۋنيكاسيا – 1،2 ترلن تەڭگە (9،3%)؛
اۋىل شارۋاشىلىعى – 750 ملرد تەڭگە (5،7%).
بيۋدجەتتى ورىنداۋدىڭ ماڭىزدى كومپونەنتتەرىنىڭ ءبىرى – مەملەكەتتىك ساتىپ الۋ ۇدەرىسى. ولاردىڭ كولەمى 2024 جىلى 8،8 ترلن تەڭگەنى قۇرادى، بۇل رەتتە بيۋدجەت قاراجاتىن وڭتايلاندىرۋ ەسەبىنەن 840 ملرد تەڭگە ۇنەمدەلدى.