ارال كەمپينگ، مال ءوسىرۋ نەمەسە ەكوجۇيەنى قالپىنا كەلتىرۋ ءۇشىن وتە قولايلى.
شوتلانديادا الماتىدان پاتەر الاتىن باعاعا ارال ساتىلىپ جاتىر، دەپ حابارلايدى aqshamnews.kz
The Spaces باسىلىمىنىڭ مالىمەتىنشە، ەيلەان لوح وسكەر ارالى 125 مىڭ فۋنت ستەرلينگكە (شامامەن 83 ميلليون تەڭگە) ساتىلىمعا شىقتى.
بۇل شامامەن 10 اكر جەر ۋچاسكەسى ليسمور ارالىنىڭ سولتۇستىك-باتىسىندا، شوتلانديانىڭ باتىس جاعالاۋىنداعى ەڭ تازا ايماقتاردىڭ ءبىرى – لورن بۇعازىنىڭ سۋلارىندا ورنالاسقان. ەيلەان لوح وسكەر ارالى "وزىندىك وڭاشالىق بۇرىشىن قۇرۋعا ارنالعان بىرەگەي مۇمكىندىك" رەتىندە جارنامالانىپ جاتىر. ارال كەمپينگ، مال ءوسىرۋ نەمەسە ەكوجۇيەنى قالپىنا كەلتىرۋ ءۇشىن وتە قولايلى. مۇندا وزەن سۋىنىڭ كوزى جانە شامامەن ءبىر شاقىرىمدىق جاعالاۋ سىزىعى بار.
شوتلانديانىڭ تىركەلگەن مۇلىك قۇقىعىنا (ەرەكشە جەر يەلەنۋ ءتۇرى) سايكەس، ارالعا كۇتىم مەن ماقساتتى پايدالانۋ قاجەت. بولاشاق يەسى ارالدا تۇرۋى نەمەسە ودان 32 شاقىرىمنان الىس ەمەس جەردە ورنالاسۋى كەرەك. جەردى پايدالانۋ اۋىل شارۋاشىلىعىمەن اينالىسۋدى نەمەسە تابيعاتتى قالپىنا كەلتىرۋ جۇمىستارىن قامتۋى مۇمكىن.
ارالدىڭ تارتىمدىلىعىنا قاراماستان، ساتىپ الۋشىلار ونىڭ پايدالانۋ شەكتەۋلەرىن ەسكەرۋى كەرەك. جەرگىلىكتى بيلىك ءتۋريزمدى دامىتۋ جوسپارلارىن جانە بيىك جەرگە اۆتونومدى تۇرعىن ءۇي سالۋ جوباسىن بۇرىننان-اق ماقۇلداماعان.