بۇگىن توتەنشە جاعدايلار مينيسترلىگىنىڭ ستراتەگيالىق جوسپارلاۋ جانە جەدەل باسقارۋ كوماندالىق ورتالىعىندا «قىس مەزگىلىنىڭ ءوتۋى تۋرالى. اۆاريالىق-قۇتقارۋ جۇمىستارى» تاقىرىبىندا بريفينگ ءوتتى، دەپ حابارلايدى aqshamnews.kz
ءىس-شاراعا تجم توتەنشە جاعدايلاردى جويۋ دەپارتامەنتىنىڭ باس مامانى باۋىرجان احمەتالين، تجم ازاماتتىق قورعانىس جانە اسكەري بولىمدەر كوميتەتىنىڭ اعا وفيسەرى قۋانىش تەمىربەكوۆ، سونداي-اق ورتكە قارسى قىزمەت كوميتەتىنىڭ باس مامانى اسپانديار ساپارعالييەۆ قاتىستى.
باۋىرجان احمەتالين اتاپ وتكەندەي، قىسقى كەزەڭ باستالعالى بەرى قۇتقارۋ بولىمشەلەرى 517 ادامعا، ونىڭ ىشىندە 72 بالاعا كومەك كورسەتىپ، ولاردى قار قۇرساۋىنان ەۆاكۋاسيالادى. سونىمەن قاتار 113 بىرلىك تەحنيكا شىعارىلدى. 19 جىلىتۋ پۋنكتىندە 348 ادام ورنالاستىرىلدى، وندا ىستىق تاماقپەن جانە جىلى زاتتارمەن قامتاماسىز ەتىلدى.
قىسقى كەزەڭدەگى توتەنشە جاعدايلارعا جەدەل دەن قويۋ ءۇشىن سانى 37،4 مىڭ ادام جانە 13،6 مىڭ بىرلىك تەحنيكا بار كۇشتەر مەن قۇرالدار دايىندالدى. رەسپۋبليكادا جەدەل شتاب، وسىنداي شتابتار ەلىمىزدىڭ 12 وڭىرىندە قۇرىلدى. حالىقتى ىقتيمال ءقاۋىپتى مەتەورولوگيالىق قۇبىلىستار جانە ابايسىزدىق شارالارى تۋرالى اقپاراتتاندىرۋ بويىنشا بەلسەندى جۇمىس جۇرگىزىلۋدە.
قىس مەزگىلىندە زارداپ شەككەن ادامدارعا كومەك ماقساتىندا 1 548 جىلىتۋ پۋنكتى دايىندالدى. سونىمەن قاتار 40 تراسسالىق مەديسينالىق-قۇتقارۋ پۋنكتى دە جىلىتۋ پۋنكتتەرى رەتىندە پايدالانىلاتىن بولادى.
ءوز كەزەگىندە اعا وفيسەر قۋانىش تەمىربەكوۆ جۋرناليستەرگە تجم باستاماسىمەن قاراشا ايىنىڭ سوڭىندا «مۇز-24» رەسپۋبليكالىق اكسياسى باستالعانىن ايتتى، ونىڭ بارىسىندا ءارتۇرلى مەملەكەتتىك ۆەدومستۆولاردىڭ قىزمەتكەرلەرى قاتىسۋىمەن رەيدتەر وتكىزىلدى. ءىس-شاراعا 2 مىڭنان استام قاتىستى، ونىڭ بارىسىندا 50 مىڭ ادامعا، ونىڭ ىشىندە 30 مىڭعا جۋىق بالىقشىعا نۇسقاۋ بەرىلدى.
جەلتوقسان ايىنىڭ باسىندا باستالعان ءورت قاۋىپسىزدىگى ايلىعىنىڭ ءوتۋى تۋرالى ورتكە قارسى قىزمەت كوميتەتىنىڭ باس مامانى اسپانديار ساپارعالييەۆ ايتتى. مەملەكەتتىك ورگاندارمەن جانە ۇكىمەتتىك ەمەس ۇيىمدارمەن بىرلەسىپ 20 مىڭنان استام ءۇيدى ارالاۋ جۇمىسى جۇرگىزىلدى، وندا 74 مىڭ ادامعا نۇسقاۋ بەرىلدى. حالىقتىڭ الەۋمەتتىك وسال توپتارىندا 5 مىڭنان استام ءيىستى گاز جانە ءتۇتىن داچيگى ورناتىلدى.
ايلىق اياسىندا جاڭا جىلدىق ءىس-شارالاردى ءقاۋىپسىز وتكىزۋگە ەرەكشە نازار اۋدارىلادى. 1000-نان استام جاپپاي مەرەكەلىك ءىس-شارالار وتكىزىلەتىن ورىندار تەكسەرىلدى، سونداي-اق 127 ورت-تاكتيكالىق جاتتىعۋ وتكىزىلدى. سونىمەن قاتار وقۋ ورىندارىندا بالالارعا، ستۋدەنتتەرگە جانە پەداگوگتارعا ەۆاكۋاسيالىق جاتتىعۋلار ۇيىمداستىرىلدى.
تجم قىس مەزگىلىندە قاۋىپسىزدىك ەرەجەلەرىن ساقتاۋ قاجەتتىلىگى تۋرالى ەسكەرتەدى، داۋىلدى ەسكەرتۋلەرگە نازار اۋدارىڭىز جانە اۋا-رايى ناشارلاعان جاعدايدا ۇيدە بولىڭىز! توتەنشە جاعداي تۋىنداعان جاعدايدا قۇتقارۋ قىزمەتىنىڭ «112» ءبىرىڭعاي نومىرىنە قوڭىراۋ شالىڭىز. سونىمەن قاتار قاراڭعى ۋاقىتتا جانە ناشار كورىنگەن كەزدە مۇزعا شىعۋعا قاتاڭ تىيىم سالىنادى، سونداي-اق بالالاردى ەشقاشان مۇزدا قاراۋسىز قالدىرماڭىز!