الماتى اكىمىمەن كەزدەسۋلەردە ايتىلعان تۇركسىب اۋدانى تۇرعىندارىنىڭ سۇراقتارى قالاي شەشىلەدى
الماتى اكىمى ەربولات دوسايەۆ قالانىڭ ەڭ كونە اۋدانى مەن ونەركاسىپتىك ورتالىعىنىڭ ءبىرى تۇركسىب اۋدانىنىڭ تۇرعىندارىمەن كەزدەسۋ وتكىزدى.
كەزدەسۋ بارىسىندا قالا باسشىسى اۋداننىڭ ەكونوميكالىق كورسەتكىشتەرى تۋرالى ايتىپ بەردى. وسى جىلدىڭ 9 ايىنىڭ قورىتىندىسى بويىنشا نەگىزگى كاپيتالعا سالىنعان ينۆەستيسيالار 21% - عا، ونىڭ ىشىندە جەكەمەنشىك ينۆەستيسيالار 27% - عا ۇلعايدى. 150 ملرد تەڭگە ينۆەستيسيا تارتىلدى.
اۋداندا 29 مىڭنان استام سۋبەكت جۇمىس ىستەيدى، ولاردىڭ سانى 7،8% - عا ءوستى. بۇل سالىق تۇسىمدەرىن 164 ملرد تەڭگەگە دەيىن ۇلعايتۋعا، سونداي-اق 3،5 مىڭ جاڭا تۇراقتى جۇمىس ورنىن قۇرۋعا مۇمكىندىك بەردى.
اكىم اتاپ وتكەندەي، اۋداندا ينجەنەرلىك ينفراقۇرىلىمدى قامتاماسىز ەتۋ وزەكتى ماسەلە بولىپ قالا بەرەدى. بيىل «المەرەك»، «جاس قانات» شاعىن اۋداندارىندا جانە زاكارپاتسكايا كوشەسىندە 43 كم سۋمەن جابدىقتاۋ جانە سۋ بۇرۋ جەلىلەرى سالىندى. قۇرىلىسى بيىل اياقتالاتىن «نيجنيايا پياتيلەتكا» شاعىن اۋدانى بويىنشا 115 كم سۋ قۇبىرى جانە 32 كم كارىز جەلىلەرىن سالۋ جالعاسۋدا.
سونىمەن قاتار، «قايرات» ش/ا-دا 37،2 كم سۋمەن جابدىقتاۋ جانە سۋ بۇرۋ جەلىلەرىنىڭ ەكىنشى كەزەگىنىڭ قۇرىلىسى باستالادى جانە «شۋاقتى» ش/ا ۆولوچايەۆسكايا كوشەسىندە كارىز سورعى ستانسياسى سالىنادى.
وسىلايشا، اتالعان جوبالار تۇركسىب اۋدانىنىڭ 21 مىڭنان استام تۇرعىنىن ساپالى اۋىز سۋمەن جانە كارىزبەن قامتاماسىز ەتۋگە مۇمكىندىك بەرەدى.
اۋداننىڭ ەلەكتر جەلىلەرى دە رەتكە كەلتىرىلۋدە. بيىل «تۇزدىباستاۋ» قوسالقى ستانسياسى سالىندى، «المەرەك»، «نۇرشاشقان» جانە «قايرات» شاعىن اۋداندارىندا 110 كم ەلەكترمەن جابدىقتاۋ جەلىلەرى جاڭعىرتىلۋدا. جۇمىستاردى اياقتاۋ 2024 جىلدىڭ سوڭىنا دەيىن جوسپارلانعان.
جول جانە كولىك ينفراقۇرىلىمىن دامىتۋ بويىنشا جۇمىستار جالعاسۋدا. بۇگىنگى تاڭدا 41،7 كم ورتاشا جوندەۋ اياسىندا 18 كوشەدە 30 كم جوندەلدى. «المەرەك» جانە «قايرات» شاعىن اۋداندارىندا 13 جاڭا كوشە بويىنشا 13 جاڭا جول سالىنۋدا. بۇگىنگى تاڭدا 5 كوشە بويىنشا 5،3 كم اياقتالدى.
بيىل 195 اۆتوبۋس جاڭارتىلىپ، اعىمداعى جىلدىڭ سوڭىنا دەيىن تاعى 5 جاڭا قالا ماڭىنداعى اۆتوبۋس ىسكە قوسىلادى.
اۋداننىڭ الەۋمەتتىك ينفراقۇرىلىم ماسەلەلەرى دە قالانىڭ دامۋىندا ەرەكشە ورىن الادى. №59 مەكتەپ-گيمنازياسىنا 300 ورىندىق سەيسميكالىق كۇشەيتۋ جانە قوسىمشا قۇرىلىسپەن قايتا جاڭارتۋ اياقتالۋدا. 2025 جىلدىڭ قاڭتارىندا اياقتالۋ مەرزىمىمەن №195 مەكتەپكە 450 ورىندىق قوسىمشا نىسان قۇرىلىسى باستالدى. «جايلى مەكتەپ» ۇلتتىق جوباسى اياسىندا 6100 ورىندىق 4 جاڭا مەكتەپ سالىنۋدا، ولار 2025 جىلدىڭ تامىز ايىنا دەيىن اياقتالادى.
مەديسينالىق قىزمەت كورسەتۋدى قامتاماسىز ەتۋ ءۇشىن ءبىر اۋىسىمدا قۋاتى 100 ادامنان اساتىن وتباسىلىق-دارىگەرلىك امبۋلاتوريا سالىندى جانە نامانگانسكايا كوشەسى بويىنداعى № 13 جەدەل مەديسينالىق جاردەم قوسالقى ستانسياسى ىسكە قوسىلدى.
جايلى قالالىق ورتانى قۇرۋ ماقساتىندا 2025 جىلى ءتورت ءىرى جوبانى ىسكە اسىرۋ باستالادى. بۇل باۋم توعايىن اباتتاندىرۋ سكانديناۆيالىق سەرۋەندەۋگە ارنالعان ەكو-جولداردى، «كىشى الماتى» وزەنىنىڭ بويىنداعى جاياۋ-سەرۋەندەۋ ايماعىن، رەكرەاسيالىق جانە جاعاجاي ايماقتارىن جايلاستىرا وتىرىپ، ۇلكەن الماتى كانالىن جانە حمەلنيسكيي كوشەسى بويىنداعى 2 توعاندى مەحانيكالىق تازالاۋ.
«حالىق قاتىساتىن بيۋدجەت» باعدارلاماسى اياسىندا 52 جوبا ىسكە اسىرىلۋدا. الماتى اكىمىنىڭ تاپسىرماسى بويىنشا وسى ماقساتتارعا قارجىلاندىرۋ 2 ملرد تەڭگەگە دەيىن ۇلعايتىلدى.