المالى اۋدانى تۇرعىندار ءۇشىن اۋلالارىن جاڭارتتى

المالى اۋدانى قالا كۇنىن جاڭارعان ءارى بۇرىنعىدان دا جايلى كەيىپتە قارسى الدى، دەپ حابارلايدى aqshamnews.kz

سەبەبى قالا ەڭ اۋەلى اۋلادان باستالادى. بۇل ءبىزدىڭ ءومىر ءسۇرىپ، دەمالاتىن، كورشىلەرمەن ارالاساتىن ورتامىز.

بيىل اۋدانداعى اۋلالار ايتارلىقتاي وزگەردى. «حالىق قاتىساتىن بيۋدجەت» باعدارلاماسى اياسىندا جوبالاردىڭ باسىم بولىگى اياقتالدى: 23 اۋلا جوندەلىپ، 4 اۋلا كوگالداندىرىلدى، تەك ءبىر عانا نىساندا جۇمىس جالعاسىپ جاتىر. ال اعىمداعى جوندەۋ اياسىندا جوسپارلانعان 33 جوبانىڭ 25ء-ى تولىق ءبىتىپ، قالعان 8 اۋلادا قۇرىلىس جۇمىستارى ءجۇرىپ جاتىر.

تۇرعىندار ءۇشىن بۇل كوبىرەك جاسىل جەلەك، جاڭا بالالار جانە سپورت الاڭدارى، دەمالىس پەن كورشى-قولاڭمەن جۇزدەسۋگە ىڭعايلى ايماقتار دەگەن ءسوز. ءاربىر كوركەيتىلگەن اۋلا – الماتىنىڭ زاماناۋي ءارى كورىكتى قالاعا اينالۋىنداعى قادام. مۇندا كوشەلەر مەن الاڭداردىڭ كەلبەتى عانا ەمەس، ادامداردىڭ ءوز ۇيىندە قالاي سەزىنەتىنى دە ماڭىزدى.

قالا كۇنىنە وراي المالى اۋدانى تۇرعىندارعا جاڭارعان اۋلالاردى تارتۋ ەتىپ وتىر. بۇل الماتىنىڭ شىنىمەن دە ادامدار ءۇشىن جايلى قالا بولۋىنا باعىتتالعان يگى ءىس.