الماتى قالاسى ەلىمىزدەگى سيفرلىق ترانسفورماسيانىڭ الدىڭعى شەبىندە تۇر. بۇل تۋرالى مەگاپوليس باسشىسى دارحان ساتىبالدى قالا كۇنىنە ارنالعان مەرەكەدە سويلەگەن سوزىندە اتاپ ءوتتى.
«پرەزيدەنت جولداۋىندا اتاپ وتىلگەندەي، قازاقستاندى تولىققاندى سيفرلىق مەملەكەتكە اينالدىرۋدا الماتىنىڭ ءرولى ەرەكشە. قازىرگى كۇنى ەلىمىزدە كورسەتىلەتىن IT-قىزمەتتەردىڭ جارتىسىنان استامى الماتىدا جۇزەگە اسۋدا»، – دەدى شاھار باسشىسى.
سونداي-اق ول ءوز جۇمىسىنىڭ باستى باعىتتارىنىڭ ءبىرى – IT-ينفراقۇرىلىمدى دامىتۋ، تالانتتى جاستاردى قولداۋ جانە يننوۆاسيالىق جوبالاردى ىلگەرىلەتۋ ەكەنىن باسا ايتتى. دارحان ساتىبالدى سوزىندە قازىرگى تاڭدا شاعىن جانە ورتا بيزنەس سالاسى قالادا 1 ميلليوننان استام تۇرعىندى جۇمىسپەن قامتىپ وتىرعانىن، ءارى وسى سەكتوردى قولداۋعا بيىل 70 ملرد تەڭگەدەن استام قارجى بولىنگەنىن جەتكىزدى.
اكىمنىڭ سوزىنە سۇيەنسەك، وندىرىستىك الەۋەت تە ارتىپ كەلەدى: الماتى يندۋستريالىق ايماعى مەن «الاتاۋ» اەا-دا جۇزدەگەن كاسىپورىن جۇمىس ىستەۋدە. جوعارى سۇرانىسقا بايلانىستى بۇل اۋماقتار كەڭەيتىلىپ، يننوۆاسيالىق تەحنولوگيالار ورتالىعىنا اينالادى.
“تۋريزم باعىتىندا دا جاڭا جوبالار قولعا الىنۋدا. الداعى ۋاقىتتا ىسكە قوسىلاتىن الماتى تاۋ كلاستەرى حالىقارالىق ساپا مەن ەكولوگيا ستاندارتتارىنا ساي قۇرىلىپ، ورتالىق ازياداعى ەڭ ءىرى ءتورت ماۋسىمدىق تۋريستىك جوباعا اينالماق”، — دەدى شاھار باسشىسى.
الماتى اكىمدىگى تۇراقتى دامۋدى، كاسىپكەرلىكتى قولداۋدى جانە قالانى حالىقارالىق دەڭگەيدەگى باسەكەگە قابىلەتتى ورتالىق رەتىندە قالىپتاستىرۋدى جالعاستىرا بەرەدى.