الماتىنىڭ تازالىعىنا ۇلەس قوسقان كورىنبەيتىن باتىرلار

كوكپەن استاسقان اسقاق تاۋلار، ەرەكشە ساۋلەت، جايقالعان جاسىل جەلەك پەن كوركەم كوشەلەر. الماتى ءبىر كورگەن جاندى باۋراماي قويمايدى. ميلليونداعان تۇرعىنى بار الىپ شاھاردا ءومىر قايناپ جاتىر. قالانىڭ كوشە قوزعالىسى ءبىر ساتكە دە تولاستامايدى.

وسىنداي ۇلكەن ءارى قاربالاس قالادا تازالىق پەن ءتارتىپتى ساقتاۋ وڭاي شارۋا ەمەس. ءيا، تازالىق ەڭ الدىمەن ءار ادامنىڭ وزىنەن باستالادى. ءبىراق ءبىز كۇن سايىن تازا كوشەدە ەركىن ءجۇرىپ، قوقىسسىز اۋلالار مەن جارقىراعان الاڭداردى تاماشالاپ جۇرگەنىمىز — تىنىمسىز ەڭبەك ەتىپ جۇرگەن قاراپايىم جۇمىسشىلاردىڭ ارقاسى ەكەنىن ۇمىتىپ جاتامىز.

سول سەبەپتى Aqshamnews.kz رەداكسياسى قالا كۇنى قارساڭىندا كوبىنە ەڭبەكتەرى تاسادا قالىپ قوياتىن جانداردىڭ جۇمىسىن فوتو جانە اقپاراتتىق ماتەريالدار ارقىلى ناسيحاتتاۋدى ءجون كوردى.

تاڭمەن بىرگە وياناتىن تىرشىلىك

قالانىڭ ءار بۇرىشىندا تاڭعى سالقىنمەن جۇمىسقا كىرىسەتىن تازالىق ساقشىلارى بار. ولار قوقىس جيناپ، گۇلدەردى سۋارىپ، جول جيەكتەرىن تازالاپ، اعاشتاردى كەسىپ، جاپىراقتاردى سىپىرادى. قولدارىنداعى قۇرال-سايمانىمەن قارۋلانعان بۇل جاندار — قالانىڭ كورىنبەيتىن باتىرلارى.

قىزعىلت-سارى ارنايى كيىم كيگەن تازالىق قىزمەتكەرلەرىنىڭ ەڭبەگى كوزگە كوپ تۇسە بەرمەيدى. الايدا قالانىڭ سانيتارلىق جاعدايى مەن سۇلۋلىعى تىكەلەي وسى جانداردىڭ جۇمىسىنا بايلانىستى. كوپشىلىك بايقاي بەرمەيتىن جاپىراقتىڭ، قوقىستىڭ ارتىندا دا ماڭداي تەر مەن جاۋاپكەرشىلىك جاتىر.

تاۋلىك بويى توقتامايتىن جۇمىس

قالادا تازالىق جۇمىستارى تاۋلىك بويىاتقارىلادى. "الماتى تازالىق" مەكەمەسىنىڭجۇمىسشىلارى ەكى اۋىسىمدا ەڭبەك ەتەدى:

ءار اۋماققا جاۋاپتى 20–25 ادامنان قۇرالعان بريگادا جۇمىس ىستەيدى. ءبىرى سىپىرسا، ەكىنشىسى ارنايى تەحنيكامەن تروتۋارلاردى جۋادى، ءۇشىنشىسى اعاش بۇتاقتارىن كەسىپ، جاسىل جەلەكتى رەتكە كەلتىرەدى.

ءبىر اۋماقتا شامامەن 20-25 ادام جۇمىس ىستەيدى. ولاردىڭ ءبىرى كوشە سىپىرسا، ءبىرى ارنايى تەحنيكامەن جاياۋ جۇرگىنشىلەر جولىن جۋادى.

بەساسپاپ مامان — التاي ەسپەنبەتوۆ

التاي ەسپەنبەتوۆ 2010 جىلدان بەرى «الماتى تازالىقتا» جۇمىس ىستەيدى. اعاش كەسۋ، گۇل سۋارۋ، جاپىراق جيناۋ سياقتى ماۋسىمدىق جۇمىستاردىڭ ءبارىن بىردەي اتقارا بەرەتىن بەساسپاپ مامان. ول ءۇشىن بۇل — جاي عانا جۇمىس ەمەس، قالاعا دەگەن جاناشىرلىقتىڭ كورىنىسى.

قالانىڭ كوركەيۋىنە كۇندەلىكتى ۇلەس قوسىپ جۇرگەن جانداردىڭ ەڭبەگى — ولشەۋسىز.

ولاردىڭ ايتۋىنشا، ەگەر ءار تۇرعىن ءوز جۇرگەن ورنىن تازا ۇستاپ، قوقىسىن قوقىس جاشىگىنە تاستاسا، سۇيىكتى شاھارىمىز ودان سايىن كوركەيە تۇسەر ەدى.

قالانىڭ تازالىعى مەن كوركەيۋى تەك ارنايى مەكەمەلەردىڭ عانا ەمەس، ءار تۇرعىننىڭ جاۋاپكەرشىلىگىنە بايلانىستى. تازالىق ءۇشىن كۇن-تۇن دەمەي ەڭبەك ەتەتىن قاراپايىم جۇمىسشىلاردىڭ ەڭبەگىن باعالاۋ، ولارعا قۇرمەت كورسەتۋ — ازاماتتىق پارىزىمىز.

ەسكە سالا كەتەيىك، بۇعان دەيىن «ەكى قولعا ءبىر كۇرەك ىزدەگەن» جاندار ءۇشىن «الماتى تازالىق» مەكەمەسى جۇمىس ۇسىناتىنىن حابارلاعانبىز.  قالانىڭ سانيتارلىق تازالىعىنا جاۋاپتى «الماتى تازالىق» مەملەكەتتىك كوممۋنالدىق كاسىپورنى ءوز قۇرامىن كەڭەيتىپ، جاس قىزمەتكەرلەردى كومانداسىنا قوسۋعا دايىن. بۇل مۇمكىندىك، اسىرەسە، ستۋدەنتتەر ءۇشىن تاماشا مۇمكىندىك. بوس ۋاقىتىندا قوسىمشا تابىس تاۋىپ، وقۋعا دا ۇلگەرەمىن دەگەن جاستار ءۇشىن  4 ساعاتتىق جۇمىس كۇنى قاراستىرىلعان.