بۇگىن، قالا كۇنىندە الماتىلىقتار قازاق مەملەكەتتىك سيركىنىڭ ۇيىمداستىرۋىمەن وتكەن «شاپيتو» باعدارلاماسىن تاماشالادى.
ەرەكشە سيرك باعدارلاماسى تۇڭعىش پرەزيدەنت ساياباعىندا ساعات 12:00 جانە 15:00-دە ءوتتى. كوشپەلى فورماتتا ۇيىمداستىرىلعان سيرك الماتىلىقتار مەن قالا قوناقتارىنا ەرەكشە اسەر قالدىردى.
ۇيىمداستىرۋشىلاردىڭ سوزىنشە ەكى رەت قويىلعان باعدارلاماعا 500-گە جۋىق ادام تاماشالاعان. ولاردىڭ باسىم بولىگى بالالار.
كورەرمەندەرگە اكروباتتار، اۋە گيمناستتارى، جونگلەرلەر، شەبەر ەكۆيليبريستەر جانە كوڭىلدى سايقىمازاقتار ونەر كورسەتىپ، كوتەرىڭكى كوڭىل-كۇي سىيلادى.
سونداي-اق كورەرمەندەر فانتاستيكالىق مۋلتيمەديالى شوۋ تاماشالادى. جارقىراعان جارىق ەففەكتىسى، ەرەكشە LED-كوستيۋمدەر جانە ينتەراكتيۆتى كورىنىستەر سيرك ارەناسىندا ەرتەگى الەمىندە جۇرگەندەي سەزىم قالدىردى.
بۇگىن، 21 قىركۇيەكتە قالا كۇنىنە وراي ءوتىپ جاتقان مەرەكەلىك ءىس-شارالاردىڭ مازمۇنى سان الۋان. اسەم مەگاپوليستىڭ ءاربىر ساياباعى كوڭىلدى مەرەكەلىك بوياۋعا تولدى.