بالا ورتالىق اۋداندىق اۋرۋحانادا كوز جۇمدى.
قازاقستان مۇسىلماندارى ءدىني باسقارماسى كولىكتى اۋىلدىق مەشىت يمامىنىڭ جۇرگىزگەنىن راستادى، دەپ حابارلايدى aqshamnews.kz
اباي وبلىسى ءۇرجار اۋدانىندا جەرگىلىكتى مەشىتتىڭ 44 جاستاعى يمامى 11 جاستاعى بالانى كولىكپەن قاعىپ كەتكەن.
قايعىلى وقيعا 14 قازان كۇنى ساعات 11:40-تا ءۇرجار اۋىلىنداعى گاگارين كوشەسىندە بولعان. Toyota Rav-4 كولىگىن تىزگىندەگەنى يمام 11 جاسار بالانى قاعىپ كەتكەن.
"جول اپاتى سالدارىنان كامەلەتكە تولماعان جاياۋ جۇرگىنشى ءۇرجار اۋداندىق ورتالىق اۋداندىق اۋرۋحاناسىندا كوز جۇمدى. وسى فاكتىگە بايلانىستى ابايسىزدا ادام ولىمىنە اكەپ سوققان جول قوزعالىسى ەرەجەلەرىن بۇزۋ فاكتىسى بويىنشا سوتقا دەيىنگى تەرگەۋ باستالدى"، - دەلىنگەن پوليسيا تاراتقان اقپاراتتا.