الماتى قالاسى كولىك جۇيەسىن دامىتۋ مەن ەكولوگيالىق احۋالدى جاقسارتۋدا جاڭا بەلەسكە قادام باستى. بۇل تۋرالى قالا كۇنى مەرەكەسىندە مەگاپوليس باسشىسى دارحان ساتىبالدى ءمالىم ەتتى. ول قالا تۇرعىندارىن مەركەسىمەن قۇتتىقتاپ، شاھاردىڭ ينفراقۇرىلىمدىق دامۋىنداعى باسىم باعىتتارىن اتاپ كورسەتتى.
“الداعى جىلدارى الماتىدا حالىقارالىق ستاندارتتارعا ساي زاماناۋي ءارى ينتەگراسيالانعان كولىك جۇيەسى قالىپتاساتىن بولادى. بۇل جولاۋشىلار ءۇشىن قولايلى، ءقاۋىپسىز ءارى ەكولوگيالىق تازا شەشىم بولماق. ءقازىردىڭ وزىندە ۇزىندىعى 100 شاقىرىمنان استام BRT جەلىسىن دامىتۋ باعدارلاماسى ىسكە اسىرىلىپ جاتىر. ونىڭ ناتيجەسىندە قوعامدىق كولىكتەگى جولاۋشى تاسىمالى ەكى ەسەدەن استام ارتىپ، قوزعالىس جىلدامدىعى 15%-عا وسەدى. سونىمەن قاتار، LRT جەلىلەرىنىڭ قۇرىلىسى باستالىپ، مەترونىڭ 20 كم-دەن استام جاڭا تارماعى جۇرگىزىلەدى”، — دەدى قالا اكىمى.
دارحان ساتىبالدىنىڭ ايتۋىنشا، ەكولوگيالىق ترانسفورماسيا الماتىنىڭ باستى باسىمدىقتارىنىڭ ءبىرى بولىپ قالادى. قالادا تومەن ەميسسيالىق ايماقتار ەنگىزىلىپ، جەو-2 مەن جەو-3 تولىقتاي تابيعي گازعا كوشىرىلەدى.
“قازاقستانداعى العاشقى تۇرمىستىق قالدىقتاردى ەنەرگەتيكالىق كادەگە جاراتۋ زاۋىتى الماتىدا سالىنادى. زاۋىت تاۋلىگىنە 2 مىڭ تونناعا دەيىن قالدىقتى قايتا وڭدەپ، جىلىنا 60 مۆت ەلەكتر ەنەرگياسىن وندىرەدى. مۇنىڭ ءبارى 2028 جىلعا قاراي الماتىداعى اۋا ساپاسىن ەكى ەسەگە جاقسارتۋعا مۇمكىندىك بەرەدى. بۇل – مەگاپوليستىڭ باستى مىندەتتەرىنىڭ ءبىرى – تۇرعىنداردىڭ ءومىر ءسۇرۋ ساپاسىن ارتتىرۋعا جاسالعان ناقتى قادام”، — دەدى شاھار باسشىسى.
الماتى اكىمدىگى كولىك ينفراقۇرىلىمىن دامىتىپ، ەكولوگيانى جاقسارتۋ جانە تۇراقتى دامۋعا نەگىزدەلگەن قالا مودەلىن قالىپتاستىرۋ شاھاردىڭ باسىم دامۋ باعىتى بولىپ قالاتىنىن باسا بەلگىلەدى.