الماتىدا «Plastic Reboot» پلاستيك جيناۋ اكسياسى باستاۋ الدى
الماتىدا «تازا قازاقستان» جالپى رەسپۋبليكالىق باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا ۇيىمداستىرىلعان «Plastic Reboot» ەكولوگيالىق اكسياسى ءوتىپ جاتىر، دەپ حابارلايدى aqshamnews.kz
اكسيانىڭ ماقساتى – تۇرعىنداردىڭ نازارىن پلاستيكالىق قالدىق ماسەلەسىنە اۋدارىپ، ولاردى قايتا وڭدەۋگە قاتىسۋعا ىنتالاندىرۋ. حالىق قولدانىلعان پلاستيكالىق بوتەلكەلەر مەن قاپتامالاردى تاپسىرعانى ءۇشىن اقشالاي سىياقى الادى. بۇل اكسيا اياسىندا تۇرعىندارعا ىڭعايلى بولۋ ءۇشىن ەكو-حاب، وقۋشىلار سارايى، وقۋشىلارىنىڭ يننوۆاسيالىق شىعارماشىلىق ورتالىقتارى مەن كوميۋنيتي-ورتالىقتارىندا قابىلداۋ پۋنكتتەرى جۇمىس ىستەيدى.
اكسياعا قاتىسۋ ءۇشىن 18-24 قازان ارالىعىندا تۇرعىندار پلاستيكالىق بوتەلكەلەردى جيناپ، قابىلداۋ پۋنكتتەرىنە تاپسىرۋى كەرەك. قابىلداۋ پۋنكتتەرىنىڭ قىزمەتكەرلەرى تاپسىرىلعان پلاستيك قالدىقتاردى تەكسەرىپ، ولاردىڭ تالاپتارعا سايكەستىگىن انىقتايدى. ودان كەيىن قاتىسۋشىنىڭ تەلەفونى مەن تاپسىرىلعان بوتەلكە سانى ارنايى بازاعا ەنگىزىلەدى.
قايتا وڭدەۋگە جاتاتىن پلاستيك قابىلدانادى-سۋسىنداردان جاسالعان پلاستيكالىق بوتەلكەلەر، سۋسابىندار مەن گەلدەردەن، تۇرمىستىق حيميادان وراۋ، كەيبىر وندىرۋشىلەردىڭ تاماق ونىمدەرىنەن وراۋ (اميران، گورمولزاۆود)، ءبىر رەتتىك تاڭبالانعان ىدىس 5.
قايتا وڭدەۋگە جارامدى پلاستيك تۇرلەرى: سۋسىن بوتەلكەلەرى، سۋسابىن، گەلدەر، تۇرمىستىق حيميا قاپتامالارى، كەيبىر ازىق-تۇلىك وندىرۋشىلەرىنىڭ قاپتامالارى (اميران، گورمولزاۆود)، جانە 5-ماركىلەنگەن ءبىر رەتتىك ىدىستار.
ءبىر رەتتىك تاڭبالاۋ ىدىسى 6، تاڭبالانباعان پلاستيك، كومپيۋتەرلىك جانە تۇرمىستىق تەحنيكالار، كولىكتىڭ پلاستيكالىق بولشەكتەرى جانە تىزىمگە كىرمەيتىن باسقا دا پلاستيكتەر قابىلدانبايدى. سونىمەن قاتار، تاپسىرىلاتىن بوتەلكەلەردىڭ تازا، سۇيىق نەمەسە تاماق قالدىقتارىنان تازارتىلعان بولۋى ماڭىزدى.
ءاربىر تاپسىرىلعان پلاستيكالىق بوتەلكە ءۇشىن 5 تەڭگە سىياقى بەرىلەدى. اقشا قاتىسۋشىنىڭ ۇيالى تەلەفونىنىڭ بالانسىنا اۋدارىلادى.
بۇعان قوسا، مەكتەپ، كوللەدج، ۋنيۆەرسيتەت وقۋشىلارى مەن بالاباقشا تاربيەلەنۋشىلەرى «مەيىرىمدى قاقپاق» باعدارلاماسىنا قاتىسا الادى. پلاستيكالىق بوتەلكەلەردىڭ قاقپاعىن كوميۋنيتي-ورتالىقتارعا تاپسىرۋعا بولادى. ءار ايدىڭ سوڭىندا بەلسەندى وقۋشىلار ەكو-حابتا قاقپاقتاردى وڭدەپ، ءوز قولىمەن كادەسىي جاساۋ مۇمكىندىگىنە يە بولادى. جىل سوڭىندا قايتا وڭدەلگەن پلاستيكتەن جاسالعان جاڭاجىلدىق شىرشا ورناتىلادى. بۇل شىرشا قالانى اسەمدەپ قانا قويماي، قايتا وڭدەۋ ارقىلى ەكولوگيالىق تازا ورتا قالىپتاستىرۋدىڭ جارقىن ۇلگىسى بولماق.
پلاستيك – الەمدەگى ەڭ وزەكتى ەكولوگيالىق ماسەلەنىڭ ءبىرى. ونىڭ وتە باياۋ ىدىرايدى، ەكوجۇيەگە زيان كەلتىرەدى جانە توپىراق پەن سۋ قويمالارىن لاستايدى. «Plastic Reboot» سەكىلدى اكسيالار الەمنىڭ كوپتەگەن ەلىندە حالىقتى قوقىستى سۇرىپتاپ، پلاستيكتى پايدالانۋدى ازايتۋعا ىنتالاندىرۋدا وڭ ناتيجە كورسەتىپ وتىر. اكسيا ارقىلى تۇرعىندار دەمالىس ورىندارى مەن ساياباقتاردى، جاعاجايلاردى، قالا ماڭىنداعى اۋماقتاردى تازالاپ، قتق قالدىقتى وڭدەۋدىڭ ەكولوگيالىق جانە ەكونوميكالىق پايداسى تاقىرىبىندا تانىمدىق ءىس-شارالار وتكىزەدى.
«Plastic Reboot» اكسياسى تۇرعىنداردى پلاستيك قالدىقتاردى قايتا وڭدەۋگە تاپسىرۋعا ىنتالاندىرۋمەن قاتار، قالاداعى ەكولوگيالىق احۋالدى جاقسارتۋ ماقساتىندا لاستانۋ دەڭگەيىن تومەندەتۋگە، تۇرعىنداردىڭ جاۋاپتى تۇتىنۋ ادەتىن قالىپتاستىرۋعا باعىتتالعان.
«Plastic Reboot» اكسياسىنا قاتىسۋع مەن قابىلداناتىن پلاستيك تۇرلەرى تۋرالى اقپاراتتى مىنا بايلانىس نومىرلەرى ارقىلى الۋعا بولادى: +7 747 779 8010 (حامزا)، +7 707 358 9992 (نازگۇل).
18-24 قازان ارالىعىندا پلاستيك قابىلداۋ پۋنكتتەرىنىڭ مەكەنجايلارى:
الاتاۋ اۋدانى:
1. نۇركەنت شاعىن اۋدانى، 14ا (وقۋشىلاردىڭ يننوۆاسيالىق شىعارماشىلىق ورتالىعى)
2. ساين كوشەسى-موڭكە بي كوشەسى، «الاتاۋ» ساياباعى (ءموبيلدى پۋنكت)؛
3. سولتۇستىك اينالما، 122 «ءۇشقوڭىر» بازارى (ءموبيلدى پۋنكت)؛
المالى اۋدانى:
1. بايتۇرسىنوۆ كوشەسى، 22/1 – (جاستاردىڭ كوميۋنيتي ورتالىعى)؛
2. جەلتوقسان كوشەسى، 29 - (بەلسەندى ۇزاق ءومىر ءسۇرۋ ورتالىعى)؛
اۋەزوۆ اۋدانى:
1. مامىر-1 شاعىن اۋدانى، 26/1، 2 بلوك (جاستاردىڭ كوميۋنيتي ورتالىعى)؛
2. وتەگەن باتىر كوشەسى، 98 (بۇرىنعى احات عيماراتى)؛
بوستاندىق اۋدانى:
1. اباي داڭعىلى 164/6، «تەرراكوتتا» تءۇك (جاستاردىڭ كوميۋنيتي ورتالىعى)؛
2. ب. شۇكەنوۆ كوشەسى، 66ا (بەلسەندى ۇزاق ءومىر ءسۇرۋ ورتالىعى)؛
جەتىسۋ اۋدانى:
1. بوتكين كوشەسى، 20 (جاستاردىڭ كوميۋنيتي ورتالىعى)؛
2. سەرءىكوۆ كوشەسى، 6 (جاستاردىڭ كوميۋنيتي ورتالىعى)؛
مەدەۋ اۋدانى:
1. دوستىق داڭعىلى، 124 (وقۋشىلار سارايى)
2. نازاربايەۆ داڭعىلى، 36 (جاستاردىڭ كوميۋنيتي ورتالىعى)؛
ناۋرىزباي اۋدانى:
1. شۇعىلا، 347/4 ءۇي (وقۋشىلاردىڭ يننوۆاسيالىق شىعارماشىلىق ورتالىعى)
2. رايىمبەك داڭعىلى №7 مكب الدىندا (مءوبيلدى پۋنكت)؛
تۇركسىب اۋدانى:
1. ر. زورگە كوشەسى، 2 («تەڭ قوعام» الەۋمەتتىك جوباسى)؛
2. جاس قانات شاعىن اۋدانى 49ا (جاستاردىڭ كوميۋنيتي ورتالىعى).