اپتا سايىن جارمەڭكەگە 45 مىڭنان استام ادام كەلەدى، دەپ حابارلايدى aqshamnews.kz
ۇيىمداستىرۋشىسى – «الماتى» اكك.
ساتىلىمدا 310 اۋىل شارۋاشىلىعى تاۋارىن وندىرۋشىلەر مەن فەرمەرلەردەن اكەلىنگەن الماتى مەن الماتى وبلىسىنىڭ ونىمدەرى بار: جاڭا سويىلعان ەت، جۇمىرتقا، كوكونىس پەن جەمىس-جيدەك، ءسۇت-قىشقىلدى ونىمدەر، شۇجىق، بال جانە باسقا دا تاعامدار بار. بارلىعى – 1 000-نان استام تاۋار ءتۇرى بار.
باعانى تۇراقتاندىرۋ ءىس-شارالارى اياسىندا الەۋمەتتىك ماڭىزى بار ونىمدەر نارىق قۇنىنان 15–20% تومەن باعامەن ساتىلىپ جاتىر.
جارمەڭكەلەر قالاداعى 5 اۋداندا ءار سەنبى جانە جەكسەنبى كۇندەرى ساعات 09:00-دەن 18:00-گە دەيىن وتەدى:
• المالى اۋدانى — ماسانچي كوشەسى (ايتەكە بي جانە گوگول كوشەلەرىنىڭ اراسىندا)؛
• اۋەزوۆ اۋدانى — وتەگەن باتىر كوشەسى (اباي داڭعىلىنان تومەن)؛
• بوستاندىق اۋدانى — قازاقفيلم شاعىناۋدانى (ءال-فارابي داڭعىلىنان جوعارى)؛
• جەتىسۋ اۋدانى — قۇلاگەر شاعىناۋدانى، «گۇلدەر» ساياباعىنىڭ الدىندا؛
• مەدەۋ اۋدانى — مەڭدىقۇلوۆ بۋلۆارى – بەكتۇروۆ كوشەسى.
جارمەڭكەنىڭ ماقساتى – جەرگىلىكتى فەرمەرلەرگە ونىمدەرىن، سونىڭ ىشىندە الەۋمەتتىك ماڭىزى بار ازىق-تۇلىكتى ۇسىنۋعا مۇمكىندىك بەرۋ، ال تۇرعىندارعا قولجەتىمدى باعامەن ساتىپ الۋعا جاعداي جاساۋ.