جەتىسۋ اۋدانىنىڭ اكىمى گۇلنار كوكەبايەۆا وڭىرلىك كوممۋنيكاسيالار قىزمەتىنىڭ بريفينگىندە اۋدانداعى مەديسينالىق ۇيىمداردىڭ، مەكتەپتەر مەن بالاباقشالاردىڭ قۇرىلىسى تۋرالى ايتىپ بەردى، دەپ حابارلايدى اlmaty-akshamy.kz.
سپيكەردىڭ ايتۋىنشا، اۋداندا «شەتسىز قالا» باعدارلاماسى جۇزەگە اسىرىلۋدا، باسقاشا ايتقاندا، ءار شاعىناۋداندا ءبىلىم بەرۋ، مەديسينا نىساندارى، بەلسەندى دەمالىس ورىندارى بولادى.
«بۇگىندە كوكجيەك، قۇلاگەر جانە اينابۇلاق شاعىناۋداندارىندا بارلىعى 3 ەمحانا 124 مىڭ ادامعا دەنساۋلىق ساقتاۋ قىزمەتىن كورسەتەدى، قالعان 50 مىڭ تۇرعىنعا شاعىن ۋچاسكەلەرگە بايلانىستى كورشى اۋدانداردىڭ ەمحانالارىندا قىزمەت كورسەتىلەدى. مەملەكەتتىك ەمحانالارداعى ەڭ وتكىر جەتىسپەۋشىلىك كەمەل شاعىناۋدانىندا، ساياحات اۆتوۆوكزالى اۋدانىندا جانە جۇمىسشى پوسەلكەسى تۇرعىن الابىندا سەزىلۋدە»، - دەدى گ.كوكەبايەۆا.
وسى تۇيتكىلدى ماسەلەنى شەشۋ ءۇشىن كەمەل شاعىناۋدانىندا كۇنىنە 200 كەلۋشىگە ارنالعان وتباسىلىق-دارىگەرلىك امبۋلاتوريانىڭ قۇرىلىسى جۇرگىزىلۋدە. سونىمەن قاتار، ساياحات اۋدانىندا 1 647 ش.م قۇرايتىن بولاشاق ەمحانا ءۇشىن عيمارات ساتىپ الىندى، قازىرگى ۋاقىتتا كۇردەلى جوندەۋ جانە ەمحاناعا قايتا جابدىقتاۋ ءۇشىن جسق ازىرلەنۋدە.
قۇلاگەر شاعىناۋدانىنداعى جالپى اۋدانى 1 967 شارشى مەتر قولدانىستاعى ەمحانانى كەڭەيتۋ ءۇشىن ءۇش قاباتتى عيماراتتى كۇردەلى جوندەۋگە جسق ازىرلەۋ ءۇشىن قوسىمشا كونكۋرس وتكىزىلەدى.
اۋدان اكىمى وقۋشى ورىندارىنىڭ تاپشىلىعى ماسەلەسىن شەشۋ تۋرالى ەگجەي-تەگجەيلى توقتالدى. جەتىسۋ اۋدانىندا 21 مەملەكەتتىك مەكتەپ بار، وندا 28 525 وقۋشى وقيدى، جالپى جوبالىق قۋاتتىلىعى 18 381 ورىندى قۇرايدى.
«وقۋشىلار ورىندارىنىڭ سانىن ارتتىرۋ ءۇشىن اۋداندا 1050 ورىندىق ءۇش مەكتەپكە جاپسارجاي قۇرىلىسى اياقتالدى. وسىنىڭ ارقاسىندا وقۋشى ورىندارىنىڭ تاپشىلىعى 1،6 مىڭ ورىنعا دەيىن ازايدى»، - دەدى گ. كوكەبايەۆا.
300 ورىندى №148 مەكتەپ-گيمنازياسىندا، 300 ورىندى № 112 جالپى ءبىلىم بەرەتىن مەكتەبىندە جانە 200 ورىندى № 103 مەكتەپ-گيمنازياسىندا قوسالقى نىسان سالۋ ارقىلى ءۇش مەكتەپتى كەڭەيتۋ جوسپارلانۋدا.
مەكتەپكە دەيىنگى ءبىلىم بەرۋگە قاتىستى گۇلنار كوكەبايەۆا اينابۇلاق شاعىناۋدانىندا بالاباقشاعا قاجەتتىلىك بايقالاتىنىن حابارلادى. سوندىقتان بۇگىنگى كۇنى اينابۇلاق-4 شاعىناۋدانىندا 160 ورىندى بالاباقشا قۇرىلىسى ءجۇرىپ جاتىر. ونى بيىلعى جىلدىڭ جەلتوقسان ايىندا اياقتاۋ جوسپارلانىپ وتىر.
وتكەن جىلى راتۋشنىي كوشەسىندە 280 ورىندىق بۇرىنعى بالاباقشا عيماراتى ساتىپ الىندى، ونى جىل سوڭىنا دەيىن اشۋ جوسپارلانىپ وتىر.