ءقازىر ول ۋاقىتشا ۇستاۋ يزولياتورىندا.
الماتىلىق پوليسەيلەر دۇكەن ۇرىسىن قولعا ءتۇسىردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جەدەل ىزدەستىرۋ ءىس-شارالارىن جۇرگىزۋ بارىسىندا پوليسيا قىزمەتكەرلەرى 21 جاستاعى ك. ەسىمدى ازاماتتى ۇستادى.
«ول بىرنەشە ۇرلىق جاسادى دەگەن كۇدىككە ءىلىندى. كۇدىكتى كىرەر ەسىكتىڭ قۇلپىن بۇزىپ، عيماراتقا كىرىپ، دۇكەندەرگە ۇرلىققا تۇسكەن. ك. ەسىمدى ازامات ءتۇرلى تاۋارلار مەن اقشانى ۇرلاعان. 21 جاستاعى كۇدىكتى ۇستالدى. ونىڭ اۋدانىمىزداعى وسىنداي التى ۇرلىققا قاتىسى بار ەكەندىگى انىقتالدى. ۇستالعان ازامات ۇرلىققا قاتىسى بارىن جوققا شىعارمادى. بۇل دەرەك ق ر قك-نىڭ 188-بابى 3-بولىگى (ۇرلىق) بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ەنگىزىلدى»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
كۇدىكتى قالانىڭ باسقا دا اۋداندارىندا وسىعان ۇقساس قىلمىستارعا قاتىسى بار-جوعىنا تەكسەرىلەتىن بولادى.