جۇمىستار جازدىڭ سوڭىنا دەيىن اياقتالادى.
2022 جىلى الماتىنىڭ جەتىسۋ اۋدانىندا جاستار ساياباعى، جاياۋ جۇرگىنشىلەر ايماعى مەن جاڭا اۋلالار پايدا بولادى، دەپ حابارلايدى Almaty-akshamy.kz
وڭىرلىك كوممۋنيكاسيالار قىزمەتىنىڭ ونلاين بريفينگىندە جەتىسۋ اۋدانىنىڭ اكىمى گۇلنار كوكەبايەۆا حالىقتىڭ ءومىر ءسۇرۋ ساپاسىن جاقسارتۋ ءۇشىن قوعامدىق ورىنداردىڭ اباتتاندىرىلىپ جاتقانىن ايتتى. بيىل «حالىق قاتىساتىن بيۋدجەت» باعدارلاماسى اياسىندا 23 جوبا جۇزەگە اسىرىلىپ جاتىر.
ولاردىڭ كەيبىرەۋلەرى قوعامدىق ورىندارعا اسەر ەتسە، باسقالارىنىڭ ارقاسىندا اۋلالاردى جوندەيدى. جوبا بويىنشا بارلىق جۇمىس وسى جازدىڭ سوڭىنا دەيىن اياقتالادى.
«سونىمەن قاتار اۋداندا رىسقۇلوۆ ءداڭعىلى-سۇيىنباي داڭعىلى بويىنداعى كوپىر استىنداعى جاستاردىڭ سپورتتىق پاركىنىڭ قۇرىلىسى بەلسەندى قارقىنمەن جۇرگىزىلۋدە، اينابۇلاق-1 شاعىناۋدانىندا ەسەنتاي وزەنىنىڭ بويىندا تاعى ءبىر جاستار ساياباعى، كوكجيەك شاعىناۋدانى مەن م. جۇمابايەۆ كوشەسىنىڭ بويىندا جاياۋ جۇرگىنشىلەر ايماعى سالىنۋدا. جۇمىستى 2022 جىلدىڭ قازان ايىندا اياقتاۋدى جوسپارلاپ وتىرمىز»، - دەدى گ. كوكەبايەۆا.
الماتىلىقتاردىڭ جايلى دەمالۋى ءۇشىن شاعىناۋدانداعى گۇلزارلارعا قازىرگى جوندەۋ جۇمىستارى جۇرگىزىلۋدە. اينابۇلاق-3 شاعىناۋدانىندا، اينابۇلاق-1 جانە اينابۇلاق-2 شاعىناۋدانىنىڭ ارالىعىندا، قۇلاگەر شاعىناۋدانىنداعى گۇلدەر ساياباعىندا، سونداي-اق كوپەرنيك كوشەسىنىڭ بويىنداعى كىشى الماتى وزەنىنىڭ جاعالاۋىندا ورنالاسقان. بارلىق ايماقتا جولدار، كوشەنى جارىقتاندىرۋ، ورىندىقتار مەن قوقىس جاشىكتەرى جاڭارتىلادى، بالالار ويىن كەشەندەرى ورناتىلادى، سونداي-اق جاسىل جەلەكتەردى اۆتوماتتى سۋارۋ جۇيەسى قايتا قۇرىلادى.
سونىمەن قاتار، كوكمايسا شاعىناۋدانىنداعى ەسەنتاي وزەنى بويىنداعى جاعالاۋ ايماعىنىڭ قۇرىلىسى ءجۇرىپ جاتىر، ول وسى جىلدىڭ سوڭىنا قاراي اياقتالادى. جاقىن ارادا كەمەل شاعىناۋدانىندا ساياباق ايماعىنىڭ قۇرىلىسى باستالادى.