اتىراۋ وبلىستىق حالىقتىق شتاب وكىلدەرى اەس قۇرىلىسى بويىنشا اتىراۋ مەديسينا كوللەدجى ۇجىمىمەن كەزدەستى.
كەزدەسۋگە اقپاراتتىق ۇگىت-ناسيحات جۇرگىزەتىن جۇمىس توبىنىڭ مۇشەلەرى ايبار ەرەكەشوۆ، تۇركمەنباي نۇرجىگىتوۆ، نۇربول قۇرمان جانە فاتيما تۋلەەوۆا قاتىستى. ولار الداعى 6 قازاندا وتەتىن رەسپۋبليكالىق رەفەرەندۋمنىڭ ماڭىزدىلىعىنا توقتالدى.
«ءبىز رەفورمالاردى ناقتى قادامدارمەن كەزەڭ-كەزەڭىمەن جۇزەگە اسىرىپ كەلەمىز. باستى ماقسات — ءاربىر ازامات پەن وتباسىنىڭ رەفورمالار يگىلىگىن سەزىنۋى. رەفەرەندۋم — بۇل ءار ازاماتقا ءوز ەلىنىڭ بولاشاعىنا قاتىستى شەشىم قابىلداۋعا تىكەلەي قاتىسۋ مۇمكىندىگى. ەنەرگەتيكانىڭ دامۋىسىز ەل ەكونوميكاسىنىڭ دامۋى مۇمكىن ەمەس. اەس سالۋ جاڭا كاسىپورىنداردىڭ اشىلۋى، جاڭا جۇمىس ورىندارىنىڭ قۇرىلۋى جانە ەكونوميكالىق ءوسۋدىڭ نەگىزگى فاكتورىنا اينالادى»، — دەدى قالالىق ءماسليحات دەپۋتاتى نۇربول قۇرمان.
ءوز كەزەگىندە وبلىستىق ءماسليحات دەپۋتاتى فاتيما تۋلەيەۆا:
«بۇگىندە كوپتەگەن ينۆەستيسيالىق جوبالار بار. قارجى بار، ينۆەستورلار دايىن. الايدا تۇراقتى ەنەرگيا كوزدەرى جەتىسپەيدى. اەس قۇرىلىسى ەلىمىزدىڭ يندۋسترياليزاسياعا وتۋىنە، شيكىزاتقا تاۋەلدىلىكتەن ارىلۋىنا ىقپال ەتەدى. ەكونوميكالىق تۇرعىدان بۇل ەلدىڭ ينۆەستيسيالىق تارتىمدىلىعىن ارتتىرادى»، — دەپ اتاپ ءوتتى.
كەزدەسۋ بارىسىندا مەديسينا قىزمەتكەرلەرى «اەس-تىڭ قانداي قاۋىپتەرى بولۋى مۇمكىن؟»، «اەس قۇرىلىسىنىڭ ەلگە جانە ايماققا قانداي پايداسى بار؟»، «اتوم ەلەكتر ستانسياسىن سالۋعا قانشا ۋاقىت كەتەدى؟» دەگەن سۇراقتارىنا تولىق جاۋاپ الدى.