مەملەكەت باسشىسىنىڭ تاپسىرماسىنا سايكەس ق ر مادەنيەت جانە اقپارات مينيسترلىگى ادەبي سالانى دامىتۋعا جانە جاس اۆتورلاردى قولداۋعا باعىتتالعان ءبىرقاتار جوبالاردى جۇزەگە اسىرۋدا.
سونداي جوبانىڭ ءبىرى – الماتى وبلىسىنان باستاۋ العان جاس اقىن-جازۋشىلارعا ارنالعان ادەبي تۋر.
مينيسترلىك جانىنان قۇرىلعان «Alqa»جاستار كلۋبىنىڭ مۇشەلەرى بالالار ادەبيەتىنىڭ بايتەرەگى بەردىبەك سوقپاقبايەۆتىڭ 100 جىلدىعىنا وراي جازۋشىنىڭ اۋىلى قوستوبەگە بارىپ، قالامگەر وقىعان تاريحي مەكتەپپەن تانىستى، دەپ حابارلايدى aqshamnews.kz.
سونىمەن قاتار مۇزبالاق اقىن مۇقاعالي ماقاتايەۆتىڭ تۋعان جەرى قاراسازعا تابان تىرەپ، اقىننىڭ ومىرىنەن سىر شەرتەتىن مۇقاعالي ماقاتايەۆتىڭ ادەبي-مەموريالدى مۋزەيىنە باردى.
مۋزەيدىڭ ءۇش ەكسپوزيسيالىق زالىندا اقىننىڭ 1200-دەن اسا ەكسپوناتى، جۇمىس ۇستەلى مەن قولدانعان زاتتارى جانە قولجازبالارى قويىلعان. ساپار بارىسىندا جاس اقىندار جىر وقىپ، ادەبي كەش ءوتتى.
ءىس-شارا اياسىندا قاتىسۋشىلار رايىمبەك باتىر ەسكەرتكىشىنە تاعزىم جاساپ، كولساي، شارىن شاتقالىندا بولدى.
ادەبي تۋر ءىلياس جانسۇگىروۆتىڭ 130 جىلدىعىنا وراي جەتىسۋ وبلىسىندا جالعاسادى.