ەلىمىزدە وليمپيادا ويىندارىنا دايارلايتىن ورتالىقتار اشىلادى

12 وڭىردە 13 وبلىستىق مەكتەپ-ينتەرنات جۇمىس ىستەپ تۇر.

بۇل جايلى بەيجىڭدە وتكەن XXIV قىسقى وليمپيادا ويىندارىنىڭ قورىتىندىسىنا ارنالعان وتىرىستا بەلگىلى بولدى، دەپ حابارلايدى Almaty-akshamy.kz

«سپورتتىق رەزەرۆكە قاتىستى كەلەسى جايت، وڭىرلىك، قالالىق جانە ۇلتتىق دەڭگەيدەگى وليمپيادالىق رەزەرۆتى دايارلاۋ ورتالىقتارىنىڭ قىزمەتىمەن بايلانىستى. قازىرگى ۋاقىتتا رەسپۋبليكالىق وليمپياداعا دايارلاۋ ورتالىقتارىن اشۋ ماسەلەسى پىسىقتالىپ جاتىر. ورتالىقتاردىڭ ءوز سپورتتىق بازالارى بولادى. سونداي-اق، جاس سپورتشىلاردى دايارلاۋدىڭ نەگىزگى ساتىلارىنىڭ ءبىرى - ينتەرنات ۇلگىسىندەگى سپورتتىق ءبىلىم بەرۋ مەكەمەلەرى. بۇل باستامانى دا قولعا الۋ جوسپاردا بار»، - دەدى ق ر مادەنيەت جانە سپورت ءمينيسترى داۋرەن ابايەۆ.

ءمينيستردىڭ مالىمەتىنشە، بۇگىندە 12 وڭىردە سپورتتا دارىندى بالالارعا ارنالعان 13 وبلىستىق مەكتەپ-ينتەرنات جۇمىس ىستەپ تۇر.

«سپورتشىلاردى دايارلاۋ ساپاسىن ارتتىرۋ ءۇشىن ولاردى بارلىق قاجەتتى قۇرال-جابدىقتارمەن قامتاماسىز ەتۋ كەرەك. وبلىستىق بيۋدجەت ەسەبىنەن جانە مەملەكەتتىك-جەكە مەنشىك ارىپتەستىك نەگىزىندە قوسىمشا سپورت بازالارىن سالۋ قاجەت دەپ سانايمىن. اسىرەسە، ۇلتتىق قۇراما كوماندالاردى دايارلاۋدا ساپاعا باسا نازار اۋدارۋ قاجەت»، - دەيدى ول. بۇعان دەيىن ۆەدومستۆو باسشىسى وتاندىق سپورتتى دامىتۋدىڭ جاڭا باعدارلاماسى قابىلداناتىنىن ايتقان ەدى.