قازاقستاننىڭ برەيكينگ قۇراماسىنىڭ كوشباسشىسى ءامىر زاكيروۆ ءباا-نىڭ دۋباي قالاسىندا وتكەن WFADS الەم چەمپيوناتىندا جەڭىسكە جەتتى، - دەپ حابارلايدى aqshamnews.kz ءتىلشىسى.
B-boy Amir ەرەسەكتەر اراسىنداعى جارىستا فينالعا دەيىن جەتتى.
شەشۋشى باسەكەدە ءامىر زاكيروۆ اقش وكىلى ميگەل روساريونى (b-boy Gravity) جەڭدى. ال قولا جۇلدە رەسەي سپورتشىسى رۋسلان فايزراحمانوۆقا (b-boy Ruslan Footrockets) بۇيىردى.
ايتا كەتەيىك، 2024 جىلى ءامىر زاكيروۆ فرانسيانىڭ پاريج قالاسىندا وتكەن وليمپيادا ويىندارىنا قاتىسقان بولاتىن. قازاقستاندىق سپورتشى 1/4 فينالعا دەيىن جەتىپ، جالپى ەسەپتە سەگىزىنشى ورىندى يەلەندى.