«ادىرنا» ۇلتتىق پورتالىنىڭ جىل سايىنعى ءداستۇرلى بايقاۋىنىڭ 2025 جىلعى قورىتىندىسى جاريالاندى، - دەپ حابارلايدى Aqshamnews.kz ءتىلشىسى.
Adyrna.kz تەلەگرام ارناسىندا وتكىزىلگەن رەسمي داۋىس بەرۋ ناتيجەسى بويىنشا ەڭ كوپ داۋىس جيناعان الماتى قالاسىنىڭ اكىمى دارحان ساتىبالدى جىلدىڭ ەڭ ۇزدىك مەگاپوليس اكىمى اتاندى.
دارحان ساتىبالدى تۋرالى نە بەلگىلى؟
1974 جىلى 26 ناۋرىزدا وڭتۇستىك قازاقستان وبلىسىندا دۇنيەگە كەلگەن. ساكەن سەيفۋللين اتىنداعى اقمولا اۋىلشارۋاشىلىق ينستيتۋتىنىڭ (1996 جىل) جانە قازاق گۋمانيتارلىق-زاڭ ۋنيۆەرسيتەتىنىڭ (2003 جىل) تۇلەگى.
ماماندىعى بويىنشا ەكونوميست-مەنەدجەر، زاڭگەر. ەكونوميكا عىلىمدارىنىڭ كانديداتى.
مانساپ
1996-2000 جىلدارى – كوممەرسيالىق ۇيىمداردا بۋحگالتەر جانە ەكونوميست بولىپ جۇمىس ىستەگەن.
2000-2002 جىلدارى – قازاقستان رەسپۋبليكاسى قارجى مينيسترلىگى بيۋدجەت راسىمدەرىنىڭ ورىندالۋىن باقىلاۋ باسقارماسىندا جەتەكشى، باس باقىلاۋشى-اۋديتور قىزمەتتەرىن اتقارعان.
2002-2006 جىلدارى – قازاقستان رەسپۋبليكاسى پرەزيدەنتى اكىمشىلىگىنىڭ ءىس باسقارماسىندا رەفەرەنت، كەڭەسشى، باس ساراپشى جانە سەكتور مەڭگەرۋشىسى بولعان.
2006-2007 جىلدارى – استانا قالاسى اكىمدىگىنىڭ «جىلۋ» مكك ديرەكتورى.
2007-2010 جىلدارى – ق ر ءبىلىم جانە عىلىم مينيسترلىگىنىڭ بيۋدجەت دەپارتامەنتى جانە قارجى دەپارتامەنتى باسشىسىنىڭ ورىنباسارى. سونداي-اق، عىلىم كوميتەتى ءتوراعاسىنىڭ ورىنباسارى.
2010-2011 جىلدارى – ق ر ۇلتتىق قاۋىپسىزدىك كوميتەتى دەپارتامەنتىنىڭ باسشىسى.
2011-2013 جىلدارى – ق ر پرەمەر-مينيسترى كەڭسەسىنىڭ الەۋمەتتىك-ەكونوميكالىق ءبولىم باسشىسىنىڭ ورىنباسارى.
2013-2015 جىلدارى – شىمكەنت قالاسىنىڭ اكىمى.
2015-2017 جىلدارى – وڭتۇستىك قازاقستان وبلىسى اكىمىنىڭ ءبىرىنشى ورىنباسارى.
2018-2019 جىلدارى – قازاقستان رەسپۋبليكاسى پارلامەنتى سەناتىنىڭ دەپۋتاتى.
2019-2022 جىلدارى – قازاقستان رەسپۋبليكاسىنىڭ وزبەكستانداعى توتەنشە جانە وكىلەتتى ەلشىسى.
2022-2025 جىلدارى – تۇركىستان وبلىسىنىڭ اكىمى.
2025 جىلى قاڭتاردان مامىرعا دەيىن – ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى.
2025 جىلى مامىردان باستاپ – الماتى قالاسىنىڭ اكىمى.
ماراپاتتارى:
«پاراسات»، «قۇرمەت» وردەندەرىمەن جانە «ەرەن ەڭبەگى ءۇشىن» مەدالىمەن ماراپاتتالعان.