1998 جىلعى 22 جەلتوقساندا «ۇلتتىق ارحيۆ قورى جانە ارحيۆتەر تۋرالى» زاڭ قابىلدانىپ، ەلىمىزدە ارحيۆ ءىسىنىڭ قالىپتاسۋى مەن ودان ءارى دامۋىنا نەگىز قالادى، - دەپ حابارلايدى Aqshamnews.kz.
ارحيۆ – بۇل جاي عانا قۇجات ساقتايتىن ورىن ەمەس. بۇل – مەملەكەتتىڭ جادى، ساباقتاستىقتىڭ نەگىزى، باسقارۋشىلىق شەشىمدەر قابىلداۋ مەن عىلىمي زەرتتەۋلەر جۇرگىزۋگە قاجەتتى سەنىمدى دەرەكتەردىڭ كوزى.
بۇگىندە تاريحي قۇجاتتاردى ساقتاۋمەن قاتار سيفرلىق تەحنولوگيالار دا بەلسەندى ەنگىزىلىپ جاتىر: ەلەكتروندىق ارحيۆتەر قۇرىلىپ، قورلار سيفرلاندىرىلىپ، ەسەپكە الۋ مەن ىزدەۋ ۇدەرىستەرى اۆتوماتتاندىرىلۋدا. ارحيۆشىلەردىڭ ەڭبەگى زور جاۋاپكەرشىلىكتى، جوعارى كاسىبيلىكتى، ۇقىپتىلىقتى جانە ءاربىر قۇجاتتىڭ قۇندىلىعىن تەرەڭ ءتۇسىنۋدى تالاپ ەتەدى.