قازاقستاننىڭ ەكى وڭىرىندە اۋا رايىنا بايلانىستى رەسپۋبليكالىق ماڭىزى بار تاسجولداردا قوزعالىس شەكتەلدى. "قازاۆتوجول" ۇلتتىق كومپانياسىنىڭ مالىمەتىنشە، 21 جەلتوقسان ساعات 10:00-دەن باستاپ جۇك جانە قوعامدىق كولىكتەر ءۇشىن جول جابىق، دەپ حابارلايدى aqshamnews.kz ءتىلشىسى.
قاي باعىتتاردا شەكتەۋ ەنگىزىلدى؟
شىعىس قازاقستان وبلىسى:
"وسكەمەن - ريددەر - رف شەكاراسى" تاسجولى: 15-105 شاقىرىم ارالىعى (بەلوۋسوۆكا كەنتىنەن ريددەر قالاسىنا دەيىن).
"وسكەمەن - سەمەي" تاسجولى: 10-103 شاقىرىم ارالىعى (گەراسيموۆكا اۋىلىنان اباي وبلىسىنىڭ شەكاراسىنا دەيىن).
اباي وبلىسى:
"وسكەمەن - سەمەي" تاسجولى: 103-198 شاقىرىم ارالىعى (شقو شەكاراسىنان سەمەي قالاسىنا دەيىن).
جول قاشان اشىلادى؟
"قازاۆتوجول" وكىلدەرىنىڭ حابارلاۋىنشا، اتالعان باعىتتارداعى قوزعالىس 2025 جىلدىڭ 22 جەلتوقسانىندا ساعات 06:00-دە قايتا اشىلادى دەپ جوسپارلانىپ وتىر.
ەسكەرتۋ: شەكتەۋ تەك جۇك كولىكتەرى مەن قوعامدىق كولىكتەرگە قاتىستى ەنگىزىلدى. الايدا، جەڭىل كولىك جۇرگىزۋشىلەرىنە دە اباي بولۋ جانە مۇمكىندىك بولسا، الىس ساپارعا شىقپاۋ ۇسىنىلادى.
جۇرگىزۋشىلەرگە جولدىڭ جاي-كۇيىن 1403 ءبىرىڭعاي بايلانىس ورتالىعى ارقىلى ناقتىلاپ الۋ قاجەتتىگى ەسكەرتىلەدى.