ماڭعىستاۋ وبلىسى بويىنشا تەحنيكالىق رەتتەۋ جانە مەترولوگيا دەپارتامەنتىنىڭ ينسپەكتورلارى باقىلاۋ ماقساتىندا ساتىپ الۋ بارىسىندا بەلگىلەنگەن قاۋىپسىزدىك تالاپتارىنا سايكەس كەلمەيتىن ديزەل وتىنىن ساتۋ فاكتىسىن انىقتادى، - دەپ حابارلايدى Aqshamnews.kz.
زەرتحانا سىناقتارى ناتيجەلەرى بويىنشا دت-ل-ك4 ماركالى ديزەل وتىنى كەدەن وداعىنىڭ «اۆتوموبيل جانە اۆياسيالىق بەنزينگە، ديزەل جانە كەمە وتىنىنا، رەاكتيۆتى قوزعالتقىشتارعا ارنالعان وتىنعا جانە مازۋتقا قويىلاتىن تالاپتار تۋرالى» تر تس 013/2011 تەحنيكالىق رەگلامەنتىنىڭ تالاپتارىنا سايكەس كەلمەيتىنى انىقتالدى. اتاپ ايتقاندا، تەكسەرىلگەن ونىمدەگى كۇكىرتتىڭ ماسسالىق ۇلەسى 115 مگ/كگ-دى قۇرادى، ال رۇقسات ەتىلگەن نورما 50 مگ/كگ-دان اسپاۋى ءتيىس، بۇل بەلگىلەنگەن كورسەتكىشتەن 65 مگ/كگ-عا ارتىق ەكەنىن كورسەتەدى.
انىقتالعان زاڭبۇزۋشىلىقتارعا بايلانىستى ۋاكىلەتتى ورگان سوتقا تالاپ ارىز جولدادى. ماڭعىستاۋ وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ 2025 جىلعى 19 قاراشاداعى شەشىمىمەن تالاپ ارىز تولىق كولەمدە قاناعاتتاندىرىلدى. سوت كاسىپكەرلىك سۋبەكتىسىن تەحنيكالىق رەگلامەنت تالاپتارىنا سايكەس كەلمەيتىن دت-ل-ك4 ماركالى ديزەل وتىنىنىڭ تاركىلەنگەن ءونىمىن يەلەنۋ، پايدالانۋ جانە (نەمەسە) وعان بيلىك ەتۋ قۇقىعىنان ايىرۋ تۋرالى شەشىم قابىلدادى.
سوت اكتىسىنە سايكەس، كورسەتىلگەن ءونىم ۋاكىلەتتى ورگاننىڭ تالاپتارىن جانە قولدانىستاعى زاڭنامانى ساقتاي وتىرىپ، يەسىنىڭ ءوز قاراجاتى ەسەبىنەن جويۋعا، كادەگە جاراتۋعا نەمەسە قايتا وڭدەۋگە، نە قازاقستان رەسپۋبليكاسىنىڭ اۋماعىنان تىس جەرگە شىعارۋعا جاتادى.
باقىلاۋ ماقساتىندا ساتىپ الۋدى جۇرگىزۋ تۇتىنۋشىلاردىڭ قۇقىقتارىن قورعاۋعا، ازاماتتاردىڭ قاۋىپسىزدىگىن قامتاماسىز ەتۋگە جانە مۇناي ونىمدەرى نارىعىندا تەحنيكالىق رەتتەۋدىڭ مىندەتتى تالاپتارىنىڭ ساقتالۋىن قامتاماسىز ەتۋگە باعىتتالعان.