ق ر ءىىم كوشى-قون قىزمەتى كوميتەتىندە 2025 جىلدىڭ قورىتىندىلارى شىعارىلدى، - دەپ حابارلايدى Aqshamnews.kz.
2026 جىلعى 1 قاڭتاردان باستاپ قازاقستاندا جەكە كۋالىكتى العاش رەت راسىمدەۋ، سونداي-اق ونىڭ قولدانىلۋ مەرزىمى اياقتالعاننان كەيىن اۋىستىرۋ تەگىن بولادى. بۇل تۋرالى ءىىم حابارلادى.
باستاما قۇجاتتاردى الۋدى جەڭىلدەتۋگە جانە ازاماتتاردىڭ قارجىلىق جۇكتەمەسىن ازايتۋعا باعىتتالعان. مەملەكەتتىك باج العاشقى رەت جەكە كۋالىك الۋ كەزىندە دە، جوسپارلى اۋىستىرۋ كەزىندە دە الىنبايدى.
ق ر ءىىم كوشى-قون قىزمەتى كوميتەتىنىڭ ءتوراعاسى اسلان اتالىقوۆتىڭ ايتۋىنشا، جىل باسىنان بەرى ەلدە 1،9 ملن جەكە كۋالىك، 1،1 ملن پاسپورت جانە 303 مىڭ بالالار پاسپورتى بەرىلگەن.
بيىل قۇجات العان ەڭ جاسى ۇلكەن ازامات - 1915 جىلى تۋعان قوستاناي قالاسىنىڭ تۇرعىنى. 2024 جىلدان باستاپ بالالارعا ارنالعان پاسپورتتار 24 بەتتەن، ال ەرەسەكتەرگە ارنالعان پاسپورتتار 36 جانە 48 بەتتەن شىعارىلادى.
سونداي-اق كوميتەتتە اۆياسيالىق قاۋىپسىزدىك بويىنشا كەشەندى اۋديت قورىتىندىسىنا سايكەس، قازاقستاندىق پاسپورتتىڭ يكاو ستاندارتتارىنا سايكەستىك دەڭگەيى 95،7% بولعانى اتاپ ءوتىلدى. بۇل الەمدىك ورتاشا كورسەتكىشتەن (72%) جانە ەۋروپاداعى ورتاشا دەڭگەيدەن (87،9%) جوعارى.