الماتى قالاسى پوليسيا دەپارتامەنتىنىڭ قىزمەتكەرلەرى جەدەل-ىزدەستىرۋ ءىس-شارالارى بارىسىندا پسيحوتروپتىق زاتتاردى زاڭسىز ساقتاۋ دەرەگىن انىقتادى.
تەكسەرۋ كەزىندە ورالعان كۇيدەگى كۇماندى زاتتار تابىلىپ، تاركىلەندى، - دەپ حابارلايدى Aqshamnews.kz.
ساراپتاما قورىتىندىسىنا سايكەس، انىقتالعان زاتتاردىڭ سينتەتيكالىق ەسىرتكى تۇرىنە جاتاتىنى بەلگىلى بولدى. اتالعان فاكتى بويىنشا قولدانىستاعى زاڭناما تالاپتارىنا سايكەس سوتقا دەيىنگى تەرگەپ-تەكسەرۋ باستالدى. كۇدىكتى ۋاقىتشا ۇستاۋ يزولياتورىنا قامالدى. قازىرگى ۋاقىتتا بارلىق قاجەتتى تەرگەۋ امالدارى جۇرگىزىلۋدە. الماتى قالاسى پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ باستىعى مۇرات جۇمابايەۆتىڭ ايتۋىنشا، ەسىرتكى قىلمىستارىن انىقتاۋ جانە ولاردىڭ جولىن كەسۋ باعىتىنداعى جۇمىستار جۇيەلى تۇردە جالعاسۋدا.
– ەسىرتكىنىڭ زاڭسىز اينالىمىنا قارسى كۇرەس پوليسيا قىزمەتىنىڭ باسىم باعىتتارىنىڭ ءبىرى بولىپ قالا بەرەدى. اسىرەسە ازاماتتاردىڭ ءومىرى مەن دەنساۋلىعىنا ەلەۋلى ءقاۋىپ توندىرەتىن سينتەتيكالىق زاتتاردى انىقتاۋ جانە تاركىلەۋگە ەرەكشە نازار اۋدارىلادى، – دەپ اتاپ ءوتتى باسقارما باستىعى.
جىل باسىنان بەرى الماتى قالاسى پوليسياسىنىڭ قىزمەتكەرلەرى زاڭسىز اينالىمنان جالپى سالماعى 536 كەلىدەن استام ەسىرتكى زاتىن تاركىلەگەن. ونىڭ ىشىندە 55 كەلىسى سينتەتيكالىق ەسىرتكىلەردى قۇرايدى.