بۇۇ دامۋ باعدارلاماسىنىڭ سۋ رەسۋرستارىن باسقارۋ جونىندەگى حالىقارالىق كەڭەسشىسى حيۋبەرت لور قازاقستاننىڭ سۋ سالاسىن سيفرلاندىرۋ باعىتىنداعى جۇمىسىن جوعارى باعالادى، - دەپ حابارلايدى Aqshamnews.kz سالا مينيسترلىگىنە سىلتەمە جاساپ.
ساراپشى، اسىرەسە، ەلىمىزدە سۋ رەسۋرستارىن باسقارۋدى جاڭعىرتۋ قارقىنىن اتاپ ءوتتى.
«مۇندا كورىپ وتىرعان ۇدەرىستەردى گەرمانيامەن جانە جالپى ەۋروپامەن تىكەلەي سالىستىراتىن بولساق، ەۋروپادا مۇنداي جۇمىستار ەكى ەسە كوپ ۋاقىت الادى. بىرىنشىدەن، بۇل – زاڭنامالىق راسىمدەرگە بايلانىستى. دەگەنمەن، ادەتتە، بارلىق قاتىسۋشى اراسىنداعى ۇيلەستىرۋ جانە كەلىسىم پروسەسى الدەقايدا ۇزاققا سوزىلادى. قازاقستاننىڭ سۋ رەسۋرستارىن باسقارۋعا سيفرلىق تەحنولوگيالاردى ەنگىزۋگە قانشالىقتى ىنتالى ەكەنى مەنى تاڭعالدىردى ءارى ەرەكشە اسەر قالدىردى. بۇل ءۇشىن قولايلى ورتا قالىپتاسقان. سۋ رەسۋرستارى جانە يرريگاسيا مينيسترلىگى، مينيستر، ۆيسە-مينيسترلەر مەن دەپارتامەنتتەر ءبىر باعىتتا جۇمىس ىستەپ، ورتاق ماقساتتاردى كوزدەپ وتىر»، – دەدى بۇۇ دامۋ باعدارلاماسىنىڭ سۋ رەسۋرستارىن باسقارۋ جونىندەگى حالىقارالىق كەڭەسشىسى.
قازىرگى تاڭدا قازاقستاندا سۋ رەسۋرستارىنىڭ ۇلتتىق اقپاراتتىق جۇيەسى ازىرلەنىپ جاتىر. سونىمەن قاتار سۋارمالى سۋدى جەتكىزۋ بويىنشا ەلەكتروندى كەلىسىمشارتتار جاساۋ جۇيەسى پيلوتتىق رەجيمدە سىناقتان وتكىزىلىپ، وزەن اعىسىن مودەلدەۋ جانە بولجاۋ جۇيەلەرىنىڭ قامتۋ اياسى كەڭەيتىلىپ جاتىر.