جىل سايىن 37 مىڭنان استام قاتەرلى ىسىك تىركەلەدى.
استانادا پروتون تەراپياسىن جۇرگىزەتىن ونكولوگيالىق ورتالىق اشىلادى، دەپ حابارلايدى Almaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
پرەمەر-مينيستر ءاليحان سمايىلوۆ قازاقستاندا العاش رەت اشىلاتىن زاماناۋي مەديسينالىق ورتالىقتا بولدى.
"جاعدايدى جاقسارتۋ ءۇشىن ءبىز استانادا ونكولوگيالىق ورتالىق قۇرىپ جاتىرمىز. بۇل – كۇردەلى نىسان"، - دەدى ءاليحان سمايىلوۆ.
بيۋدجەتتىك ينۆەستيسيالىق جوبانى جۇزەگە اسىرۋ ءۇشىن شۆەيساريا مەن اقش-تان جەتەكشى حالىقارالىق كومپانيالار تارتىلعان.
"بۇگىنگى تاڭدا قۇرىلىس جۇمىستارى 90%-كە اياقتالدى، اتاپ ايتقاندا، ساۋلەلىك جانە يادرولىق مەديسينا ورتالىقتارى، پروتوندىق تەراپيا ورتالىعى، اكىمشىلىك جانە تەحنيكالىق بلوكتارى بار 210 توسەكتىك ەمدەۋ-دياگنوستيكالىق كورپۋس سالىندى"، - دەلىنگەن حابارلامادا.
مەديسينالىق مەكەمەنىڭ كورپۋستارى قالالىق ينجەنەرلىك سۋ، جىلۋ جانە ەلەكترمەن جابدىقتاۋ جەلىلەرىنە قوسىلعان. عيماراتتاردا كابينەتتەر مەن پالاتالاردى ارلەۋ جۇمىستارى اياقتالدى.
ۇلتتىق عىلىمي ونكولوگيالىق ورتالىقتىڭ باسشىسى سانجار شالەكەنوۆ مەكەمەدە جىلىنا 6 مىڭ پاسيەنتكە راديونۋكليدتىك دياگنوستيكا جۇرگىزۋ، راديوفارمپرەپاراتتار شىعارۋ جانە راديونۋكليدتىك تەراپيا جۇرگىزۋ جوسپارلانعانىن ايتتى.
"بىزدە راديو-ساۋلەلىك ەمدەۋ جۇرگىزەتىن بەس اپپارات بار: بىرەۋى كونتاكتىلى ساۋلەلىك تەراپياعا، ەكىنشىسى كونتاكتىسىز ەمدەۋگە ارنالعان"، - دەدى ول.
ۇلتتىق عىلىمي ونكولوگيالىق ورتالىقتا پروتوندىق ورتالىق جۇمىس ىستەيدى. جىلىنا 800-1000 سىرقات ەم الادى.
"ونكوگەماتولوگيا ورتالىعى دا قاراستىرىلعان. مۇندا سۇيەك كەمىگىن ترانسپلانتاسيالاۋعا ارنالعان 15 توسەك بار. بۇل مۇلدەم ستەريلدى، تازا. مۇندا جىلىنا 180-دەن 200-گە دەيىن ترانسپلانتاسيا جاساۋ جوسپارلانىپ جاتىر"، - دەيدى سانجار شالەكەنوۆ.
ونىڭ ايتۋىنشا، بۇل رەسپۋبليكاداعى ناۋقاستاردىڭ ۇشتەن ءبىرىن ەمدەۋگە مۇمكىندىك بەرەدى. ال ەكىنشى ءعىلىمي-بىلىم بەرۋ ورتالىعى بولادى. وندا 140 توسەكتىك ستاسيونار، ءۇش وپەراسيالىق زال جانە ۇلكەن دياگنوستيكالىق ەمحانا ورنالاسادى.
مەديسينالىق جۇمىس جونىندەگى ورتالىق باسشىسىنىڭ ورىنباسارى، ونكولوگ-حيرۋرگ ادىلبەك مۇقاجانوۆ پروتوندىق تەراپيانى ورىنداۋعا مۇمكىندىك بەرەتىن بىرەگەي سيكروترون اپپاراتى تۋرالى ايتىپ بەردى.
"بۇل قازاقستان مەن ورتالىق ازياداعى پروتون تەراپياسى جۇرگىزىلەتىن جالعىز ورتالىق بولادى. الەمدە مۇنداي ورتالىقتار 100-دەن اسپايدى. ولاردىڭ ءبىرى بىزدە"، - دەدى ول.
ونىڭ ايتۋىنشا، سيكلوترون پروتون ساۋلەلەرىن شىعارادى جانە ەكى ەمدىك تولقىن دەپ اتالادى، سونىڭ ارقاسىندا ەكى ناۋقاستى ءبىر ۋاقىتتا ساۋلەلەندىرۋگە بولادى.
"بۇل پروتون تەراپياسىنىڭ ەرەكشەلىگى - فوتوندى سىزىقتىق ۇدەتكىشتەردەن ايىرماشىلىعى، مۇندا ساۋلەلەنۋ ءدال جانە جۇمساق بولادى. بۇل اسىرەسە بالالار مەن السىرەگەن ناۋقاستاردى ەمدەگەندە وتە ماڭىزدى ءرول اتقارادى"، - دەيدى ادىلبەك مۇقاجانوۆ.
ءاليحان سمايىلوۆ دەنساۋلىق ساقتاۋ مينيسترلىگىنە باس مەردىگەرمەن بىرلەسىپ، 2024 جىلدىڭ 1 تامىزىنا دەيىن پروتوندى تەراپيا ورتالىعىن ىسكە قوسۋمەن نىساندى پايدالانۋعا بەرۋدى تاپسىردى.