بۇل ماسەلە مەملەكەتتىك قىزمەت ىستەرى اگەنتتىگىندە تالقىلاندى.
جىل باسىنان بەرى مەملەكەتتىك قىزمەت كورسەتۋ پروسەستەرىن جەتىلدىرۋ بويىنشا 250 ۇسىنىس ازىرلەنگەن، دەپ حابارلايدى Almaty-akshamy.kz.
ناتيجەسىندە كەدەرگىلەردى جويۋ بويىنشا 33 تۇزەتۋ ەنگىزىلدى. ەلەكتروندى ۇكىمەت پورتالىندا 17 مەملەكەتتىك قىزمەتتىڭ قولجەتىمدىلىگى قامتاماسىز ەتىلدى. بۇل باعىتتاعى جۇمىستار الداعى ۋاقىتتا دا جالعاسادى.
«387 قىزمەت ونىڭ ناتيجەسى قازىرگى ۋاقىتتا مەرزىمدى بولىپ وتىر. دەمەك، مەرزىمى وتكەن سايىن سول ازاماتتار سول قىزمەتتى قايتا الۋعا ءماجبۇرلى. ول ارينە جاپپاي بيۋروكراتياعا الىپ كەلەدى دەپ ايتۋعا بولادى. سوندىقتان ءبىز جالپى وسى مەرزىمدى بەلگىلەۋدى نەمەسە مەرزىمنىڭ سول مازمۇنىن تالداۋعا شاقىرىپ وتىرمىز بارلىق مەملەكەتتىك ورگانداردى»، - دەيدى ق ر مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى سالاۋات مۇكسىموۆ.