سولتۇستىك قازاقستان وبلىسىندا مال وسىرۋشىلەردىڭ سلەتى ءوتتى. رەسپۋبليكالىق جيىندا ەلىمىزدىڭ تۇكپىر-تۇكپىرىنەن جينالعان 500-گە تارتا اۋىل شارۋاشىلىعى سالاسىنىڭ مامان باس قوستى.
كورمەدە شارۋالار اسىل تۇقىمدى مال مەن ءوز ونىمدەرىن كوپشىلىك نازارىنا ۇسىندى. سالانىڭ ۇزدىك ماماندارى ماراپاتتالىپ، سپورتتىق ويىنداردان جارىس ۇيىمداستىرىلدى.
«مال شارۋاشىلىعىن وركەندەتۋ، دامىتۋ، زاماناۋي تەحنولوگيالاردى تانىستىرۋ، مال شارۋاشىلىعىنىڭ ستاتۋسىن كوتەرۋ، وسى جۇمىستى، اتا كاسىپتى ودان ءارى ناسيحاتتاۋ – باستى ماقسات»، - دەيدى ق ر اشم مال شارۋاشىلىعى دەپارتامەنتى ديرەكتورىنىڭ م.ا ەرلان ءىلياسوۆ.
قازاقستاندا 10 ميلليون باس ءىرى قارا تىركەلگەن. سونىڭ 1 ميليوننان استامى – اسىل تۇقىمدى. 23 ميلليون قوي، 4 ميلليون جىلقى باعىلادى. ماقسات – مال شارۋاشىلىعىن ودان ءارى دامىتىپ، تورت-تۇلىكتىڭ سانىن ارتتىرۋ. بىلتىر العاش رەت جامبىل وبلىسىندا ۇيىمداستىرىلعان شارا بيىل تەرىسكەيدە جالعاسىن تاپتى. وڭىردە اۋىل شارۋاشىلىعى سالاسىندا سەرپىن بار. سوڭعى 4 جىلدا 22 فەرما اشىلدى. 2026 جىلعا دەيىن ولاردىڭ سانى 52-گە جەتپەك.
«تاۋلىگىنە 25 توننا ءسۇت وندىرەمىز. ءبىر سيىر 33 ليتر اق بەرەدى. باستىسى، كۇتىمى جاقسى بولۋى كەرەك. ءقازىر مۇنداي كورسەتكىشتەرگە ەشكىم تاڭ قالمايدى. اۋىل شارۋاشىلىعى سالاسى تىڭ تەحنولوگيالاردى قولدانىسقا ەنگىزۋدە»، - دەيدى شارۋاشىلىق جەتەكشىسى يۆان زەنچەنكو.