اۋىل شارۋاشىلىعى سالاسىنىڭ ساراپشىسى، ەكونوميكا عىلىمدارىنىڭ دوكتورى تولەۋتاي راحىمبەكوۆ جاقىن ۋاقىتتا قازاقستاندا ەتتىڭ كەلىسى 15-20 مىڭ تەڭگەگە جەتەتىنىن ايتتى، دەپ حابارلايدى aqshamnews.kz
ونىڭ سوزىنشە، بۇل ءونىمدى ەلىمىز وزبەكستاننان يمپورتتاۋعا ءماجبۇر بولادى.
"كەيىن ءبىز، قازاقتار، باستى ۇلتتىق تاعامىمىز بەشبارماققا وزبەك ەتىن سالاتىن بولامىز، ءبىراق ونىڭ كەلىسى 15-20 مىڭ تەڭگە بولادى. ايتپاقشى، مەن 2019 جىلى ەتتىڭ باعاسى 5-6 مىڭ تەڭگە بولادى دەپ ەسكەرتكەنمىن. قانشا سىناسا دا، مەنىڭ بولجامدارىم ورىندالىپ كەلەدى. جاعدايدى ءبىلىپ وتىرعاندىقتان وسىنداي قورىتىندى جاسادىم. ءقازىر مالدىڭ 80-90 پايىزى ۇساق شارۋاشىلىقتاردىڭ قولىندا. ءونىمنىڭ وزىندىك قۇنىنىڭ باستى بولىگى – جەم-شوپ. تەحنولوگيا بويىنشا كوپ نارسە بار، ءبىراق ءبىز ونى ۇمىتىپ كەتتىك، قولدا بار جالعىز نارسە – ءشوپ. ۇساق شارۋاشىلىقتاردىڭ تەحنيكاسى جوق، سوندىقتان ولار ءشوپتى فەرمەرلەردەن ساتىپ الادى. قۋاڭشىلىق بولعان بويدا باعا وسە باستايدى"، – دەدى ول TengeTalks YouTube-ارناسىنا بەرگەن سۇحباتىندا.