احمەت بايتۇرسىن ۇلىنىڭ 150 جىلدىعىنا وراي ۇيىمداستىرىلعان 5 ماۋسىمدا باستالعان «احاڭ جۇرگەن جولمەن» ەكسپەديسياسى مارەگە جەتتى.
ماقسات – ۇلت ۇستازىنىڭ تابانى تيگەن جەرلەردى ارالاپ، تانىمدىق دەرەكتەر جيناۋ. الدىمەن قارقارالىدا، اقتەرەك اۋىلىندا ولكەتانۋشى عالىمدارمەن، زيالى قاۋىم وكىلدەرىمەن كەزدەسۋ ءوتتى، دەپ حابارلايدى Almaty-akshamy.kz.
1932-1933 جىلدارى احمەت بايتۇرسىن ۇلى جەر اۋدارىلعان رەسەيدىڭ ارحانگەلسك قالاسىندا بولىپ تۇرعان ءۇيىن تاسپاعا ءتۇسىردى. 1926 جىلى تۇركولوگتار جيىنى وتكەن ءازىربايجان استاناسى باكۋگە دە ات باسىن تىرەپ، قۇندى دەرەكتەرگە قانىقتى. ساپار سوڭىندا الماتى ماڭىندا احاڭ اتىلعان جاڭالىق اۋىلىنداعى قورىمنان توپىراق الىپ، كىندىك قانى تامعان ولكەگە جەتكىزدى.
"مۇنىمەن جۇمىس بىتپەيدى. 25-30 مينۋتتىق فيلم دايىندالادى. بولاشاقتا كىتاپ جازۋ جوسپاردا بار. ويتكەنى احاڭنىڭ ءومىرى مۇنىمەن تولىق قامتىلعان جوق. احاڭنىڭ جۇرگەن ساپارىن ءبارىن ءتىزىپ شىقساق دەگەن ويىمىز بار"، - دەيدى ەكسپەديسيا مۇشەسى ابىلاي ماۋدانوۆ.