كاسپيي يتبالىعىن ساقتاۋعا ارنالعان ءۇش مەملەكەتتىك تابيعي اۋماق قۇرىلادى

يتبالىقتار مەكەنىنىڭ ەڭ كوپ لاستانعان جەرى - قۇلالى ارالى.

ماڭعىستاۋ وبلىسىنىڭ كەندىرلى، كومسومولسكيي جانە پرورۆا جەرىندە رەسپۋبليكالىق ماڭىزى بار ەرەكشە قورعالاتىن تابيعي اۋماقتار جەلىسىن قۇرۋ جوسپارلانۋدا، دەپ حابارلايدى Almaty-akshamy.kz Inbusiness.kz سىلتەمە جاساپ.

وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءبولىم باسشىسى دينارا ەڭسەگەننىڭ ايتۋىنشا، ءتۇپقاراعان تۇبەگىنەن تابىلعان يتبالىقتاردىڭ دەنەلەرى بالىق اۋلارىنا شىرمالىپ قالعانىن كورسەتتى. بۇدان باسقا، ماڭعىستاۋ شىعاناعىنىڭ ىرگەلەس اكۆاتوريالارى دا تازارتىلۋى ءتيىس. ساراپشىلار كاسپيي يتبالىعىنىڭ مەكەندەيتىن ورنى رەتىندە ارالداردى قالپىنا كەلتىرۋ جانە ولاردىڭ سانىن تۇراقتاندىرۋ جونىندەگى ءىس-شارالاردىڭ ماڭىزدىلىعىن اتاپ كورسەتەدى.

زەرتتەۋلەر كورسەتكەندەي، يتبالىقتار مەكەنىنىڭ ەڭ كوپ لاستانعان جەرى - قۇلالى ارالى. بىلتىر بۇل ارالدان 53 كەلىدەن استام تەڭىز قوقىسى جينالدى. ونىڭ 80% - بالىق اۋلاۋ تورلارى. جەلىلەردىڭ باسىم كوپشىلىگى بەكىرە تۇقىمداس بالىقتاردى اۋلاۋعا ارنالعان. جاعالاۋدىڭ ءبىر شارشى شاقىرىمىنان ورتاشا ەسەپپەن 74،5 كگ تور تاركىلەندى.

كاسپيي پروبلەمالارى جونىندەگى عىلىمي-زەرتتەۋ ينستيتۋتى اقتاۋ فيليالىنىڭ كەشەندى باعدارلاماسىن دايىنداۋ ءۇشىن وبلىستىق بيۋدجەتتەن 40 ملن تەڭگە ءبولىندى.

«حالىقارالىق عىلىمي كەشەن ماڭعىستاۋ وبلىسىنداعى ەكولوگيالىق جاعدايدى جاقسارتۋدىڭ 2026 جىلعا دەيىنگى باعدارلاماسىن دايىنداپ شىقتى. ونداعى 27 عىلىمي-قولدانبالى زەرتتەۋ جوباسىن ىسكە اسىرۋ ءۇشىن ءتيىستى ورگاندارعا جىبەرىلدى. ماڭعىستاۋ وبلىسىنىڭ ەكولوگيالىق ماسەلەلەرىن كەشەندى شەشۋ بويىنشا جول كارتاسى ازىرلەندى. ونىڭ 33-تارماعىندا عىلىمي-زەرتتەۋ جۇمىستارىن جۇرگىزۋ، كەندىرلى، كومسومول جانە پرورۆا اۋماعىندا رەسپۋبليكالىق ماڭىزى بار ەرەكشە قورعالاتىن تابيعي اۋماقتار جەلىسىن قۇرۋ كوزدەلگەن»، - دەدى دينارا ەڭسەگەن.