كوفە داقىلىنىڭ ونىمدىلىگى تومەندەدى.
ستاتيستكاعا ساي، كۇن سايىن شامامەن 2 ميلليارد توستاعان كوفە ىشىلەدى. ال، ەڭ تانىمال كوفە سورتى - ارابيكا قازىردە الەمدىك كوفە نارىعىنىڭ 75%-ىن قۇرايدى. بولاشاقتا كوفەنىڭ وسى سورتىنا جويىلۋ ءقاۋپى ءتونىپ تۇر، دەپ حابارلايدى Almaty-akshamy.kz 24.kz-كە سىلتەمە جاساپ.
ماسەلەن، افريكادا ارابيكا وسىرۋگە جارامدى ايماقتاردىڭ سانى 2080 جىلعا قاراي 65 پايىزعا ازايادى دەگەن بولجام بار. ويتكەنى كەيىنگى 50 جىلدا كوفە داندەرىنىڭ نەگىزگى جەتكىزۋشىلەرىنىڭ ءبىرى - تانزانيادا ونىمدىلىك ەكى ەسە ازايدى. وعان سەبەپ، تاۋلارداعى تومەنگى تەمپەراتۋرا. سالدارىنان كوفە پلانتاسيالارىنا ساڭىراۋقۇلاق ينفەكسياسى اسەر ەتىپ، ەگىننىڭ 50-85% ء-ىن جويىپ جىبەرگەن. 2012-17 جىلدارى ەل ەكونوميكاسىنا 2،5 ميلليارد ەۋرو شىعىن كەلىپ، 2 ميلليونعا جۋىق شارۋا ءوز قوجالىقتارىن تاستاپ كەتكەن.
2050 جىلعا قاراي كوفە داقىلىن وسىرۋگە جارامدى اۋماق شامامەن ەكى ەسە ازايادى، ال 2080 جىلعا قاراي بۇل وسىمدىك جابايى تابيعاتتا تولىعىمەن جويىلىپ كەتۋ ءقاۋپى بار. كوفەمەن قاتار، شوكولاد يندۋسترياسى دا ءبىرجولا توقتايدى دەپ ساراپشىلار. شوكولاد يندۋسترياسى توقتاۋى مۇمكىن جاھاندىق جىلىنۋدىڭ اسەرىنەن 2030 جىلعا قاراي كاكاو اعاشىن ءوسىرۋ ءتيىمسىز بولادى. ءقازىردىڭ وزىندە كەيبىر افريكالىق، يندونەزيالىق فەرمەرلەر كاكاو بۇرشاقتارىن وسىرۋدەن باس تارتىپ جاتىر. حالىقارالىق كاكاو ۇيىمىنىڭ مالىمەتى بويىنشا، كەيىنگى 40 جىلدا شوكولاد اعاشتارىن وسىرۋگە جارامدى اۋماقتاردىڭ اۋدانى 40%-كە ازايدى. سونداي-اق الەمدىك كاكاو ەكسپورتىنىڭ 70%ء-ىن قامتيتىن گانا مەن كوت-د’يۆۋارداعى ورتاشا تەمپەراتۋرا 2 گرادۋسقا كوتەرىلەدى دەگەن ءقاۋىپ بار. ال بۇل بولجام جىل سايىن كاكاوعا سۇرانىستى ارتتىرىپ جاتىر. الەمدىك بيرجالارداعى كاكاو بۇرشاقتارىنىڭ قۇنى اقپان باسىندا 6000 دوللارعا جەتتى. جىل باسىنان بەرى ءبىر جارىم ەسە وسكەن. بۇل 2022 جىلعى كورسەتكىشپەن سالىستىرعاندا 130 پايىزعا كوپ.