سۋ رەسۋرستارىن باسقارۋ جۇيەسىن دامىتۋ تۇجىرىمداماسىنا سۋ تاسقىنىنىڭ الدىن الۋ جانە ونىڭ شىعىندارىن ازايتۋ جونىندەگى كەشەندى ءىس-شارالار قوسىلادى.
مەملەكەت باسشىسىنىڭ تاپسىرماسى بويىنشا سۋ رەسۋرستارى جانە يرريگاسيا مينيسترلىگى قۇجاتتى قايتا قارايدى.
بۇل تۋرالى ق ر سۋ رەسۋرستارى جانە يرريگاسيا مينيسترلىگىنىڭ رەسمي وكىلى ءمولدىر ابدۋالييەۆا وكق الاڭىندا وتكەن بريفينگتە مالىمدەدى، دەپ حابارلايدى Almaty-akshamy.kz El.kz اقپاراتتتىق اگەنتتىگىنە سىلتەمە جاساپ.
سپيكەر ەلىمىزدەگى سۋ قويمالارىنداعى جاعدايعا دا توقتالدى.
«اقمولا وبلىسىندا ەكى ءىرى سۋ قويماسى 100% تولى. مۇندا سۋ تاسقىنىنىڭ بەلسەندى كەزەڭى ءوتتى. ءبىراق جاباي وزەنىنىڭ رەتتەلمەيتىن اعىنىنىڭ ارتۋىنا بايلانىستى اتباساردا سۋ تاسقىنى جالعاسىپ جاتىر. سولتۇستىك قازاقستان وبلىسىندا 2 ءىرى سۋ قويماسى 100% تولى، سۋ تاسقىنى جالعاسىپ جاتىر. ەكى سۋ قويماسى دا شتاتتىق كەستەگە ساي جۇمىس ىستەپ تۇر، بۇزىلۋ ءقاۋپى جوق. وسى ۋاقىتقا پەتروپاۆل قالاسى شەگىندەگى ەسىل وزەنىنىڭ دەڭگەيى – 1243 سم، ءبىر تاۋلىكتە ول 103 سم-گە كوتەرىلدى. ماماندار سۋ وتكىزۋ ءىس-شارالارىن اتقارىپ جاتىر. جاعداي كۇردەلى»، - دەدى سپيكەر.
اقتوبە وبلىسىندا جاعداي تۇراقتى. شىعىس قازاقستان وبلىسىندا ەكى ءىرى سۋ قويماسى بويىنشا ورتاشا سۋ جيناۋ كورسەتكىشى 80%. اباي وبلىسىندا ءشۇلبى سۋ قويماسى 89%-عا تولدى. وڭىردە سۋ تاسقىنى جالعاسۋدا. باتىس قازاقستان وبلىسىندا ءتورت ءىرى سۋ قويماسىنىڭ ورتاشا سۋ جيناۋى 74%. يرەكلى سۋ قويماسىنان جىبەرىلگەن سۋ ءالى قازاقستاننىڭ شەكاراسىنا جەتكەن جوق. بۇل سۋ 16-17 ساۋىردە كەلەدى دەپ كۇتىلۋدە. قاراعاندى وبلىسىندا 3 ءىرى سۋ قويماسى 99%-عا تولدى، وڭىردە سۋ تاسقىنىنىڭ ءقاۋىپتى كەزەڭى ءوتتى. جاعداي تۇراقتى. قوستاناي وبلىسىندا 2 ءىرى سۋ قويماسىنىڭ ورتاشا سۋ جيناۋ كورسەتكىشى 93%، سۋ تاسقىنىنىڭ بەلسەندى كەزەڭى ءوتتى. قاراتومار سۋ قويماسى ترانزيتتىك رەجيمدە جۇمىسىن جالعاستىرۋدا.