الماتىدا بەلگىلى قازاقستاندىق عالىم، سىنشى، ادەبيەتتانۋشى قانسەيىت ابدەز ۇلى رەفەرەندۋمعا قاتىسىپ، ءوز تاڭداۋىن جاسادى. ول بوستاندىق اۋدانىنداعى م. ۆ. لومونوسوۆ اتىنداعى №38 قازاقستان-رەسەي گيمنازياسىندا ورنالاسقان №291 ۋچاسكەگە كەلىپ، داۋىس بەردى.
«بۇگىن مەملەكەت باسشىسىنىڭ باستاماسىمەن قازاقستاندا اتوم ەلەكتر ستانسياسىن سالۋ بويىنشا رەفەرەندۋم ءوتىپ جاتىر. كوپتەگەن ازاماتتارىمىز سياقتى مەن دە ءوز تاڭداۋىمدى جاسادىم. بۇل شەشىمدى جەكە سەنىمىم مەن جيناعان اقپاراتقا سۇيەنە وتىرىپ قابىلدادىم. ەلىمىزدىڭ دامۋىن ىلگەرىلەتەتىن جولدى تاڭداپ، بولاشاق ۇرپاق ءۇشىن جارقىن بولاشاق قۇرۋىمىز كەرەك»، – دەدى قانسەيىت ابدەز ۇلى.