بەلگىلى سيرك ءارتيسى، «مۋتۋرگانچيكي» توبىنىڭ نەگىزىن قالاۋشى ءارى كوركەمدىك جەتەكشىسى مۇرات مۇتىرعانوۆ قازاقستاندا اتوم ەلەكتر ستانسياسىن (اەس) سالۋ جونىندەگى رەفەرەندۋمدا داۋىس بەردى، دەپ حابارلايدى aqshamnews.kz.
ارتيست الماتىداعى №4 گيمنازيادا ورنالاسقان № 364 سايلاۋ ۋچاسكەسىندە داۋىس بەردى.
«ءار داۋىس ماڭىزدى، مەن بۇل ماڭىزدى پروسەستىڭ ءبىر بولىگى بولا الاتىنىما قۋانىشتىمىن. رەفەرەندۋم ءارقايسىمىزعا ءوزىنىڭ ازاماتتىق ۇستانىمىن بىلدىرۋگە مۇمكىندىك بەرەدى»، - دەدى مۇرات مۇتىرعانوۆ داۋىس بەرگەننەن كەيىن. ارتيست مۇنداي ءىس-شارالاردىڭ ادامداردى بىرىكتىرىپ، ەلدىڭ بولاشاعىنا قاتىستى ماڭىزدى ماسەلەلەردى تالقىلاۋعا كومەكتەسەتىنىن اتاپ ءوتتى.
ەستەرىڭىزگە سالا كەتەيىك، بۇگىن قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم ءوتىپ جاتىر. الماتىلىقتار تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن داۋىس بەرە الادى.