تانىمال كەشYou توبىنىڭ ەكس-سوليستى، ءانشى بالاۋسا ەرعالينا قازاقستاندا اتوم ەلەكتر ستانسياسىنىڭ قۇرىلىسىنا ارنالعان رەفەرەندۋمعا قاتىستى، دەپ حابارلايدى aqshamnews.kz.
ءانشى قازاق سپورت جانە تۋريزم اكادەمياسىندا ورنالاسقان № 75 سايلاۋ ۋچاسكەسىنە باردى. بالاۋسا ەرعالينا ءاربىر قازاقستاندىقتىڭ ەل بولاشاعىنا قاتىستى نەگىزگى ماسەلەلەردى شەشۋگە قاتىسۋىنىڭ ماڭىزدىلىعىن اتاپ ءوتتى.
«ءارقايسىمىز ءوز ەلىمىزدىڭ بولاشاعى ءۇشىن جاۋاپكەرشىلىكتى سەزىنۋىمىز كەرەك. قازاقستاننىڭ بەلسەندى ازاماتى رەتىندە مەن جاس ۇرپاقتىڭ بولاشاعى تۋرالى ويلايمىن، سوندىقتان دا وسىنداي شەشىمدەرگە قاتىسۋدى ءوز مىندەتىم دەپ سانايمىن»، - دەپ وي ءبولىستى ول.
ەستەرىڭىزگە سالا كەتەيىك، بۇگىن قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتىلىقتار تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن ءوز داۋىستارىن بەرە الادى.