وسى اپتادا ترەدس جەلىسىندە قانداي تاقىرىپ ەڭ كوپ تالقىلاندى؟ اqshamnews.kz ءتىلشىسىنىڭ كەزەكتى توپتاماسىنان وقىڭىز.
ماجىلىستەگى "سازدى سالەم"
ادەتتەگىدەي ترەدستىكتەر ەل جاڭالىقتارىن نازاردان تىس قالدىرىپ جاتقان جوق. "نازار" دەمەكشى، وسى اپتادا ءماجىلىس دەپۋتاتى ارداق نازاروۆ ناعىز جەلى جۇلدىزىنا اينالدى. كەزەكتى وتىرىستا مىنبەردە وتىرعان دەپۋتات اناسىن مەرەيتويىمەن قۇتتىقتايمىن دەپ باسى داۋعا قالدى. نازاروۆتىڭ ەلدىڭ مۇڭ-مۇقتاجىن تالقىلايتىن مەملەكەتتىك ورىندا اناسىنا بولگەن "نازارى" جۇرتتىڭ شامىنا ءتيىپ، ترەدستە ءتۇرلى ازىلگە ارقاۋ بولدى. بىرنەشەۋىنە شولۋ جاساپ كورەيىك.
"ەشكىم بىلمەيتىن دۇعا" ساتىلدى
جەلىدە اياگوز ەسىمدى بلوگەر "ەشكىم بىلمەيتىن، وقىساڭىز بىردەن قابىل بولاتىن قاسيەتتى دۇعا" ساتامىن دەپ كوپتىڭ تالقىسىنا قالدى. بلوگەردىڭ "قۇپيا دۇعا" ساتۋى قمدب-نىڭ دا نازارىنا ءتۇستى. باسقارما بۇل ارەكەتتى ايىپتاپ، "دۇعا جاساۋ ءۇشىن ەشقانداي اقشا تولەۋدىڭ قاجەتى جوق ەكەنىن" ەسكە سالدى.
ال ترەدس جۇرتى ادەتتەگىشە بۇل جاڭالىقتى كۇلكىگە اينالدىردى.
بەلگيا-قازاقستان ماچى: "ايدىڭ ءوزى ۇيالعانىنان قىزارىپ جاتىر"
قازاقستاندا فۋتبول تاقىرىبى ازىرگە وتە اكتۋالدى بولىپ جاتىر. 2026 جىلعى الەم چەمپيوناتىنىڭ التىنشى ىرىكتەۋ تۋرنيرىندە بەلگيادان 6:0 ەسەبىمەن جەڭىلگەن قازاقستاندىق فۋتبولشىلار دا جەلى قولدانۋشىلارىنىڭ ەڭ كوپ تالقىلاعان تاقىرىبىنا اينالدى. باس باپكەر الييەۆ تە بۇل جەڭىلىستەن كەيىن دەرەۋ شەشىم شىعارىپ، وتستاۆكاعا كەتتى. الييەۆ جىلدام ارەكەت ەتسە دە، ترەدس قولدانۋشىلارى قازاقستان فۋتبولى جايلى ازىلدەپ ۇلگەردى.
