اتوم ستانسيالارى جاڭارتىلاتىن ەنەرگيا كوزدەرىنە قاراعاندا پايدالى اسەر كوەففيسيەنتى بويىنشا شامامەن بەس ەسە ارتىق.
يادرولىق فيزيكا ينستيتۋتىنىڭ باس ينجەنەرىنىڭ ورىنباسارى اسحات بەكبايەۆ كوپتەگەن ارىپتەستەرى سياقتى جاڭارتىلاتىن ەنەرگيا كوزدەرىن شەشۋشى بالاما رەتىندە قاراستىرمايدى.
"اتوم ەلەكتر ستانسياسىنىڭ 2،8 گيگاۆاتتىق قۋاتىمەن پايدالى اسەر كوەففيسيەنتى (پاك) 90% قۇرايدى. ال كۇن پانەلدەرىن قولدانعاندا، پاك كورسەتكىشى 20%-دان اسپايدى. كۇن پانەلدەرىنەن ءدال وسىنداي قۋات الۋ ءۇشىن 29 مىڭ گەكتار جەر قاجەت. ونىڭ ۇستىنە، پانەلدەردى ۇنەمى تازالاپ تۇرۋ كەرەك، ايتپەسە ولاردىڭ پاك ودان ءارى تومەندەيدى. سونىمەن قاتار، اتوم ەلەكتر ستانسيالارىنىڭ قىزمەت ەتۋ مەرزىمى 60-80 جىل بولسا، كۇن پانەلدەرى 15-20 جىل عانا جۇمىس ىستەيدى"، – دەدى سپيكەر.
اسحات بەكبايەۆ كەلەسى دەرەكتەردى كەلتىردى:
"فرانسيا قازاقستاننان بەس ەسە كىشى بولسا دا، وندا 56 رەاكتور ورنالاسقان. بۇل ەكولوگيالىق قاۋىپ-قاتەرلەردى ازايتۋعا باعىتتالعان شارالاردىڭ ايقىن مىسالى. وڭتۇستىك كورەيا، تەرريتورياسى تەك الماتى وبلىسىمەن شامالاس بولعانىمەن، وندا 26 رەاكتور جۇمىس ىستەپ تۇر. وڭتۇستىك كورەيا ونەركاسىپتىك دامۋ، ەكونوميكالىق ءوسۋ دەڭگەيى بويىنشا الەمدەگى جەتەكشى ەلدەردىڭ ءبىرى بولىپ تابىلادى جانە كوپتەگەن باعىتتار بويىنشا ءونىم وندىرۋدە كوش باستاپ كەلەدى. مۇنداي كورسەتكىشتەرگە ەل اتوم ەنەرگەتيكاسىن دامىتۋ ارقىلى دا قول جەتكىزدى"، – دەپ قورىتىندىلادى يادرولىق فيزيكا ينستيتۋتىنىڭ باس ينجەنەرىنىڭ ورىنباسارى.
بۇل مالىمەتتەر اتوم ەلەكتر ستانسياسىنىڭ جوعارى تيىمدىلىگى مەن ۇزاق قىزمەت ەتۋ مەرزىمى ونىڭ جاڭارتىلاتىن ەنەرگيا كوزدەرىنە قاراعاندا ايتارلىقتاي ارتىقشىلىققا يە ەكەنىن كورسەتەدى. قازاقستاننىڭ ەنەرگەتيكالىق الەۋەتىن ارتتىرۋ ءۇشىن اتوم ەنەرگەتيكاسىن دامىتۋ ماڭىزدى قادام بولۋى مۇمكىن.