قازاقستان رەسپۋبليكاسى پارلامەنتى سەناتىنىڭ دەپۋتاتى سۇلتان دۇيسەمبينوۆ الماتى وبلىسىنىڭ تالعار اۋدانىنىڭ زيالى قاۋىم وكىلدەرىمەن، كاسىپكەرلەرمەن، اگرارشىلارمەن جانە جاستارمەن كەزدەسۋ وتكىزدى.
كەزدەسۋدىڭ باستى تاقىرىبى قازاقستاندا اتوم ەلەكتر ستانسياسىن (اەس) سالۋ بولدى. سەناتور ءوز سوزىندە اەس سالۋ ماسەلەسى ەلىمىزدىڭ ەنەرگەتيكالىق ماسەلەلەرىن شەشۋدە ماڭىزدى قادام ەكەنىن اتاپ ءوتتى. دۇيسەمبينوۆتىڭ ايتۋىنشا، اەس قازاقستانعا ەلەكتر ەنەرگياسىنا ءوسىپ جاتقان سۇرانىستى قاناعاتتاندىرۋعا عانا ەمەس، بولاشاقتا تۇراقتى ەكونوميكالىق ءوسىمنىڭ نەگىزى بولۋعا دا كومەكتەسەدى.
"اتوم ەلەكتر ستانسياسى قازاقستاننىڭ كومىرتەكتى ەنەرگيا كوزدەرىنە تاۋەلدىلىگىن ازايتادى، بۇل ءوز كەزەگىندە ەلدەگى ەكولوگيالىق جاعدايدىڭ جاقسارۋىنا ىقپال ەتەدى. اەس توڭىرەگىندەگى ينفراقۇرىلىمدى دامىتۋ جاڭا جۇمىس ورىندارىنىڭ اشىلۋىنا جانە ايماقتىڭ دامۋىنا سەرپىن بەرەدى"، - دەپ اتاپ ءوتتى سۇلتان دۇيسەمبينوۆ.
سەناتور حالىقارالىق تاجىريبەدە اتوم ەنەرگياسىن پايدالانۋ ماسەلەسىنە كەڭىنەن توقتالىپ، ونىڭ ەكولوگيالىق ارتىقشىلىقتارىن باسا ايتتى. ول اتوم ەنەرگەتيكاسىنا كوشۋ كومىرتەگى شىعارىندىلارىن ازايتۋعا جانە كليمات وزگەرىستەرىمەن كۇرەسۋگە مۇمكىندىك بەرەتىنىن، بۇل قازىرگى ەكولوگيالىق سىن-قاتەرلەر جاعدايىندا اسا ماڭىزدى ەكەنىن ءتۇسىندىردى.
كەزدەسۋ سوڭىندا سۇلتان دۇيسەمبينوۆ تالعار اۋدانىنىڭ تۇرعىندارىن الداعى 6 قازاندا وتەتىن رەفەرەندۋمعا بەلسەندى قاتىسىپ، اەس سالۋ ماسەلەسى بويىنشا ءوز ازاماتتىق ۇستانىمدارىن بىلدىرۋگە شاقىردى.