باسەكە 19 اقپانعا دەيىن جالعاسادى
دزيۋدودان قازاقستان قۇراماسى تەل-اۆيۆتە (يزرايل) ءوتىپ جاتقان الەمدىك Grand Slam دوداسىن ءساتتى باستادى، دەپ حابارلايدى Almaty-akshamy.kz Olympic.kz سىلتەمە جاساپ.
قازاقستان قۇراماسى جارىستىڭ العاشقى كۇنىندە ەكى مەدال ۇتىپ الدى. 60 كەلىگە دەيىنگى سالماق دارەجەسىندە وتاندىق قوس دزيۋدوشى جەڭىس تۇعىرىنا كوتەرىلدى. اتاپ ايتقاندا، باۋىرجان ناربايەۆ جارىستىڭ كۇمىس جۇلدەسىنە يە بولسا، ماعجان شامشادين قولانى قاناعات تۇتتى.
باۋىرجان ناربايەۆ فينالعا دەيىن قارسىلاس شاق كەلتىرمەي، ءتورت كەزدەسۋ وتكىزدى. ال جارىستىڭ فينالىندا ۋكراينالىق ارتەم لەسيۋكپەن كەزدەستى. ەكەۋارا كەزدەسۋ وكىنىشكە قاراي، وتانداسىمىزدىڭ قارسىلاسىنىڭ ەنشىسىنە شەشىلدى.
ايتا كەتەرلىگى، 66 كەلىدە سىنعا تۇسكەن عۇسمان قىرعىزبايەۆ قولا جۇلدە ءۇشىن بەلدەسۋدە ۋكراينا سپورتشىسى بوگدان يادوۆقا ەسە جىبەردى.
تەل-اۆيۆتە ءوتىپ جاتقان بايراقتى باسەكە 19 اقپانعا دەيىن جالعاسادى.