بۇل قازاقستاندىقتاردىڭ كوپ بولىگى قولما-قول اقشاسىز ەسەپ ايىرىسۋدى ءجون كورەتىنىن بىلدىرەدى.
ەلدە سوڭعى 5 جىلدا ونلاين-بانكينگ، ياعني قارجى ينستيتۋتارىنىڭ قىزمەتىن قاشىقتان پايدالانۋ كورسەتكىشى 60% وسكەن. Ranking.kz پورتالى ساراپشىلارىنىڭ پىكىرىنشە، بۇل ەڭ الدىمەن قاجىلىق تەحنولوگيالاردىڭ دامۋىمەن تىكەلەي بايلانىستى، دەپ حابارلايدى Almaty-akshamy.kz
ىشكى نارىقتاعى كومپانيالاردىڭ دەنى ءقازىر بار ءۇردىستى اۆتوماتتاندىرىپ، قىزمەتتەرى مەن ءتول ونىمدەرىن ونلاين ۇسىنۋعا كوشكەن. تۇتىنۋشىلارعا دا قارجىنى شەشىپ الەك بولعاننان گورى قاجەتتىسىن ونلاين-بانكينگ ارقىلى جۇزەگە اسىرۋ تيىمدىرەك. ۋاقىت پەن جول ماشاقاتىن شەشۋمەن قاتار، بونۋستار مەن ارنايى ۇسىنىستار بەرىلەدى. بۇگىندە ءاربىر ازامات كەمىندە 4 ونلاين جۇيەنىڭ قىزمەتىن كادەسىنە جاراتىپ ءجۇر.
«ونلاين-بانكينگ قىزمەتىن پايدالانۋشىلار سانىنىڭ ارتۋى ورىندى جاعداي، سەبەبى بۇل – زامان تالابى. بۇل بۇگىندە بارلىق ءۇردىستى ساندىق جۇيەگە كەلتىرۋدىڭ اياسىندا ورىن الىپ وتىرعانى بەلگىلى. سەبەبى قانداي دا ءبىر سەكتوردى الىپ قاراساق تا، سيفرلاندىرۋعا كوشۋ كەشەندى تۇردە قولعا الىنعان. ءقازىر ءموبيلدى قىزمەتتى، ونىڭ ىشىندە كەڭجولاقتى ينتەرنەت جەلىسىن پايدالاناتىن ادامداردىڭ قاتارى ارتىپ كەلەدى. بۇل – وتە ماڭىزدى كورسەتكىش. بىلتىردىڭ سوڭىندا ونداي ادامداردىڭ سانى 17 ميلليونعا جۋىقتاعان. سوندىقتان سيفرلاندىرۋدىڭ ماڭىزى زور جانە قاجەتتىلىگى كۇننەن كۇنگە ارتاتىنى ءسوزسىز»، - دەيدى ەكونوميست سەرگەي دومنين.